كل شغلنا غير عن هالعالم...شخابيط ومسبات وتعليقات وكلمات غزل تقلب الجبد في كل عاير وفريج ...وحركات ورسومات منرهقه وكل هذا على الاطووووف ....عيالنا يشوووفون....وزوار ديرتنا يشووفون
وعقب يقولون ليش ديرتنا
مو مثل الخلق
...مرتبه وسنعه ونظيفه
ياربي اذا في بعضهم مشاعر فنيه وادبيه
وكليغرافجيـــــــه فياااضه
ياربي ما يضر ارسم صح عبر عن مشاعرك
باستايل وبجداريه مثل الخلق ....واذا ما خلووك
ارسم على طوفة بيتكم
خصووصاا اذا ابوك يقدر الفن
بس تعالوا و شوفوا هالجداريه
اشلون متعوب عليها ومنو مسويها ....؟؟
اعيال فريج المنطقه كلهم
وقومٍ تعاونوا ما ذلووووا....والنتيجه شنوا
افراز طاقات مكبوته بهالعيال.
تفجير ابداعات فنيه غير مترقبه او متوقعه
جمال فني ابداعي للمنطقه
ياربي ليش ......بعد هذا ماله شغل بدعم وغيره ....هذا تحفيز ذاتي.....
اتصدقوووون عاد اني انا تحفزت مع اني ام الحفيز ......وبشوف لي طوووفه بعاير من عواير بيتنا وبرسم عليها ذيج الجداريه وطلع كل الاحباطات ....منو بيسوي مثلي؟ واذا خلصنا ننشره بالبوسطات اشرايكم
هناك 6 تعليقات:
وعليه وعلى حالي وعلى المدلوووول دلوني
كل ايناء بما فيه ينضح
شفيييج متنا واحنا نحط كومنتس
ماكو لا حياة لمن تنادي بلووك الكومنتس عندج
ولال انتي عالعين
بس غايبة حاضرة بقلبي
بوصالح
وشتقصد يمااااااه؟؟
الاميره
اتصدقين عاد ماطلع لي شي ابد...ينني هالبلوغ
البندري
انتي عاد عين السيح وطول عمرج راعية حق وواجب وتسلم اعيونج ويرفع ربي مقدارج يالغااااااااااااااليه
عاد ياربي هاللوحات لا من زين الكلام اللي كاتبينه
ولا من حلاة الخط
يعني هالمواهب المكبوتة اللي عندهم ليش ما يرسمون فيها والا يكتبون شي يسوى
انا اقول يمكن هذيله أحفاد أصحاب المعلقات شعراء قبل :p
أم الحفيز حبيبتي رجاءا بطلب منج طلب
تكتبين لنا بوست عن الاسرار والخبايااللي اتعرفينها عن قصة الفريه الحقيقية
تويتي...
يحبــــــــــــــــــــج حق بلاغة الشف يمااا يماااه منكم يا بنات هالوقت تبون تعرفون كل شي وقصة منو؟؟؟ واااااي من يوووور البنات واااي منه...اتزهلق واتمحلق حتى تعرف بيت القصيد
والله ياختي الله أمر بالستر والقصه قديمه واجروحها اندملة وقضت
والاهم ان الانسان يعتبر من القصه...
وماتقرب الجاز يم الضووو
الاسطوره
اشحقى تعلق صورتك كفااايه سريالييييه جداريه عجيبه
إرسال تعليق