أم الحفــــيز

Absolutely Fabulous

ياربي الكوميديا البريطانيا ما عليها ...تموت من الضحك ...ادري ان بعضكم يمكن ما يأيدني بذلك

بس انا اشوف كذلك

المهم هذا المسلسل كل ما اشوفه ينزل علي ضحك ودموع من المواقف الي تصير فيه بين الخبلتين الي فيه....ا

المسلسل مو طبيعي ويموت من الضحج وقصته حول مسئوله مشهورة في مجال الدعاية والإعلان واسمها اديناه ويسمونها ايدي ومطلقه مرتين وريايلها امتنعوا عند دفع نفقتها لأنهم اكتشفوا إن اثنينهم يدفعوا النفقه لها .....واي صج انها وحده!! وعندها بنت اسمها سفروون مادري زعفران وولد اسمه سيرج . المهم المسعده إيدي ضحية للموضى والصرعات العصريه وتلبس لبس غريب اللوان وصرعات وتسوي الفنك بعمرها مثل بعض بنات مارينا مول ،،،!!، وهذه ايدي كله جابعه يادافع البلا وما يطلع ينونها الا اذا احضرت رفيجتها الروحيه والقريبة منها وايد وشريكتها في مجال شركتها الإعلانية والإنتاج التلفزيوني واسمها بيستي بنت ستون وهذه بعد قصتها قصه وهي بعد تشتغل في مجال الموضة من خلال مجله بريطانيه للأزياء وهي بايعتها من مبطي ....وعندها استعداد بالحجي عن سيرتها الذاتيه وانها حصلة على منصبها الجبير في المجله كرئيسة التحرير للمجله بسبت علاقتها الحميمه مع صاحب الشركه،،ياختي بززززعه ؟؟؟ وبسبت منصبها صار الله وكيلكم ماعندها شغل الا ان تقنع صديجتها ايدي بان الأفكار الشينه هي الأفكار الزينه.....وان كل ممنوع مرغوب وهذا الصحيح ، وناهيتكم على حبها لتدردع الشامبانيا والتدخين والتطنز على خلق الله وعلى نفسها يعني بالعربي المرااااه فاصله، ولا تطوفكم مواقفهم يوم يروحون فرنسا وهذه الحلقه بروحها فصل!!! حطولكم بطن وضحكوووا

المهم الحين هالشخصيتين بالمسلسل يذكروني بجماعه في مجتمعنا الكويتي.... وانا اعرفهم اذا استثنينا طبعا المشروبات والمحرمات ..... هالشخصيتين فيهم خف طينه ما وردت على احد وتلقائيه بالتعليق مو طبيعيه وخصوصا اذا سافروا ولا راحو السوق ،وياربي يتروالي بكل عايله اكو حريم ثنتين كل مع بعض يا خوات وهذا اغلب الأحيان او رفيجات....ومعروفين بان مقعدهم يموت من الضحك وفيهم من خفة طينه ما أوردت على احد،،،، مادري انا غلطانه ولا يتروالي ؟؟ا

الحين شوفوا النماين ابطال المسلسل

هذه القبررره ايدي
وهذه البزعه بيتسي
وهم مع بعض في منكرهم

فلذا تابعوا هالمسلسل شوفوا من هي رح تاخذ دور ايدي او بيتسي