محمد المسباح .....وينك فيه....؟
محمد المسباح من أجمل الأصوات والأداء في عالم الغناء الشعبي الخليجي الأصيل بعد عايشه المرطه وعوض دوخي
وعوده المهنا الله يرحمهم وشادي الخليج الله يطول بعمره ، وفوق كل هذا كله له طله كويتيه جميله و مميزه ،،، وينه فيه الحين!!!ا
وليش ما يرد للطرب حتى لو من باب إحياء الأغاني التراثية بدل من هالبربس الي نسمعه كل يوم ونشوفه على
الشاشه الفضيه ......عوير وزوير والمنكسر والي مافيه خير الي قاموا يسندرون روسنا باصواتهم وكلماتهم وادائهم
خلووووه وقطع ........المهم هذه بعض من الأغاني إلي غناها المطرب وتحتها خطين المطرب لانه صج يطرب:ا
على خــدي أحــط أيــدي
وأحاسـب روحي بروحي
وأقول بأيدي جرحت أيدي
وتدمل أجروحي أدموعي
على خــدي أحــط أيــدي
وأحاسـب روحي بروحي
وأقول بأيدي جرحت أيدي
وتدمل أجروحي أدموعي
واوفيــــــــــــــــــــــــــــــه من قلب على هالسامريه
ويا من يرد الغالي الزعـلان.....ما دري علامه يوم ِيجفاني
ويقول لي حطيت لك خـلان.....جاسر تني واشمت عدواني
ولهان أنا يا ابو بدر ولهـان.....على الذي حـبه تبــلاني
ومالي صبرعن قايد الغزلان.....إلي سلب عقلي وخــلاني
ويا من يرد الغالي الزعـلان.....ما دري علامه يوم ِيجفاني
هناك 23 تعليقًا:
اي والله
صح الله لسانج
مادري وين غاط ؟
الكويتي الحر
واللله مادري وينه فيه........ماكو الا انيب امطرب يطرب وينادي عليه: يا الايواد يا الايواد مطرب راح ولا عاد
لحقوا عليناالطرب والكيف من عقبه حنا له بصداد
وسلامتكم
Thanks for you work and have a good day. I can back
صاجه صوته وايد حلو و عنده جم اغنيه حلوه
بس مسكين ماكو حظ بالفن
:(
بسم الله الرحمن الرحيم
والله اخترعت قولي ليش؟
تصدقين ماخذ الاغنية من طرب وحاط اللنك ابى انزلها من الاسبوع اللى طاف لان احبها بصوت المسباح
على خدى احط ايدى
انا سمعت ان اهله ملتزمين والظاهر والله اعلم ان اهم مانعينه يغنى
david santos
حياك الله وماتشوف شر...اعيوني
ورده
ياختي مو ماكو حظ قولي ماكو تدبير....يدي الحلق للي ملهوش وذان على قولة اهل مصر قميضه عليه
شكلج قاعدة تكتبين لى التعليق:))
مشاري
اسمالله عليك انت كله مخترع وبس :)ياحافظ انا وياك قلوبنا شواهد يمااااااه ولا انت ماتدري
وبعدين اهو شمسوي حتى يمنعونه لا غنى اغاني خلاعه ولا طمر وقامز على المسارح...ولا هو قاصر حتى يفرضون عليه الحجر الا من قل التدبير الله يهداه....هذه سناء الخراز اهلها ما منعوها عن الغناء بالاغاني الوطنيه جنه البخت من تسمع صوتها تهب عليك ريحة الفرجان وبيوت الكويت اول وما ضرها شي وهي بنت مو ريال مثل محمد المسباح
ما قول الا قميضه عليه
وكاهو محمد عبده ما ضره شي اكبرها واثمنها من الكتاب والشعراءوالملحنين يغني لهم والحمدالله الله مرهي عليه وله احترامه وتقديره عند الجميع
بس الحظ اذا تعثر قول على الدنيا السلام
اهله سلف
يا يعنى ماكو كيرى ميرى
اقول شخبارج بس وشنو غداكم؟
مشاري
اقول لا تقول لي سلف ولا كاش
المثل يقول الطبع الي بالبدن ما يغيره الا الجفن
الطرب غاويه ويحبه وخيرته يرد بس عقب ما يفوت الفوت ما ينفع الصوت
وغدانا يا محفوظ السلامه مطبق سمج اشعوم مع دقوس اصبار ودهن عداني وللعيال امحمر وزبيدي ...حياك اعيوني
كنت احبه ايام زمااااان
هههههههه
ذكرتينا بالى مضى يا ام الحفيز
صاجه
صوته كان هادى ومريح
بس مثل ما قالت ورده
ماله حظ مسكين
كريزما
وقرده قردااااه هالحظ الي الاوادم حاطته شماعه يعلقون عليها فشلهم
وسبحانه يقول اسعى يا عبدي وانا اسعى لك
المهم كريزما اشغداكم اليوم؟ على قولة مشاري
أنا أول كنت أحب أسمع أغانية، بس بعدين غيرت نظرتى عنه لما سمعته يتكلم عن الفن والفنانين، وهو مصنف نفسه أحسن منهم لكن مو مشهور لأنه يدور على الفن الأصيل!!؟
محمد المسباح من الفنانيين الذين يمتلكون حس و خامة صوت جميلة,غنى بعض الأغاني القديمة الجميلة..التي ذكرتها مدام "أم الحفيز". بس الله يهداه المسباح قد "خسبق" عمره في إختيار الأغاني و الألحان و جعل لونه نفس "القرقيعان" على وزن "محمد البلوشي" و مؤخرا "صلاح حمد خليفة". اللي ضاعوا بالطوشة من زمان !
كما اللي خرب على محمد المسباح إبتعاده عن الساحة لفترة طويلة..نظرا لأقاويل تردد عن تدينه و إطلاقه للحيته..وذلك لكي يتخلص من العقد الجزائي مع شركة الأنتاج.."خوش تدين".
لا لا ام الحفيز صدقينى واايد ناس مالهم حظ ترى
تلاقينه احسن وايد من الى لهم حظ !!
بس اهو مقرود المسكيين
شفت ردج متأخر
غدانا امس مطبق زبيدى
وتعسرت عليه ما ادرى شفينى
جان اكل باستا
://
اي والله صااااجه...:)
يامن يرد الغالي عجيييبه وفي اغنية قديمه اهوا غناها اسمها آه يا جاسي انا فيك ابتليت اوفيييييه مو طبيعيه...
حسسسسه رهيييييييييييييب...^__*
كويتيه
حبيبتي هذه الاغنيه اه يا جاسي دماااااااااااااااااار معنوي
لا تفتحين المواجع هاااااااااااا امممممم
محمد المسباح دايما يغط فترة ويطلع فجأة:)
بس عيبه انه مايسوي جلسات خاصة
وغزالن شاقني فنه وانا اطرب كل ما غنى :)
على خدي أحط إيدي و اعاتب روحي بروحي
اي والله عوير وزوير مسودين الرقاع XO
يا سلام عليج يا ام الحفيز.. اختيار موفق كالعاده ;p
برايفت: وحشني بلوقج يا الطيبه XD
فاطمة قطر
حياج الله يا عيوني ومشكوره على الزياره
إرسال تعليق