السبت، مايو 26، 2007

هل تهون العشررررررررررررره


عاد من عمله متجهم الوجه مقطب الجبين، فتحت له زوجته الباب فلم يسلم عليها و لم يكلمها، ولم يغير ملابس العمل كعادته كل يوم، جلس في زاوية و وضع يده على رأسه و راح يتأفف، قدمت له زوجته الطعام فلم يأكل
....قال : أعيدي الطعام إلى مكانه فلن آكل شيئاً
سألته : ما بك ؟! ا
قال في انفعال : لا شيء.. لا شيء..ا
قالت: أرجوك أخبرني فلعلي أستطيع مساعدتك..ا
قال : قلت لكِ لا شيء..فدعيني و شأني.. ا
تلطفت معه أكثر و قالت : أنا زوجتك و صاحبة سرك ، فلمن تبث همك إذا لم تبثه لزوجتك ؟ا
تشجع و قال : و بماذا تستطيعين مساعدتي ؟ ا
قالت: أساعدك بحياتي لو أردت ، و هل عندي من هو أغلى منك ؟ فقط قل لي ما الذي أزعجك ؟ا
قال : قانون أصدرته الحكومة هو الذي أزعجني.. ا
قالت : و ما دخلك أنت بقوانين الحكومة ؟!ا
قال : القانون يقول يحكم بالإعدام على كل رجل لا يتزوج على زوجته..ا
قالت له: و هل يزعجك يا حبيبي أن تموت شهيداً

القصة أو الطرفة قد تكون غير واقعيه ولكن ذكرتني بمثل كويتي قديم
ا" الشريجه تحر .......ولو عظمها بالقبر"ا
أظن أن المثل هذا صحيح ولا أشرايكم يا بنات
والريايل اشلون تهون عليكم العشره..... وبالقرآن يقول سبحانه" ولن تعدلوا"ا

هناك 21 تعليقًا:

عثماني يقول...

مساج الله بالخير ام الحفيز.... انا اذكر ان في مثل كويتي يقول " ما يتشاركون الا بنات الحلال" و الشرع محلل اربع ...بس هالايام الريال وحدة و يالله..هالدور ثنتين ولا ثلاث...اهلنا اول عندهم ثلاث و اربع...و ماشية الحياة...محد يتذمر .. بس هالوقت صعب... و عن نفسي انا ام عيالي ما ارضى بديل عنها..اللي تصبر علي بشدتي ما ابيعها...والعشرة ما تهون الا على عيال الحرام...وما اقول بالنهاية الا

عسى الحفيز عامر ...يا ام الحفيز

ReLaaaX يقول...

آنه بفهم من اللي عافس مودج خل ابط راسه مو بس اعفس موده



والله ياام الحفيز كلامج هالأيام فيه شي .. لايكون مضايقينج واحنا ماندري





---> فيها شر اليوم





--



والكلام الموجه لأخواننا الاعزاء مو لنا :)




اول ماقريت القصه قريت يعدمون اللي يتزوج ثانية قلت يحليلهم خوش حكومة ;p




عموماً مو احنا اللي نتدخل بهالمواضيع .. وفعلاً (( العدل القلبي )) محد بالدنيا يقدر يعدل بقلبه وبحبه وبميوله ! لأن باختصاااااااار




احنــــا بشـــــــــر




وكوننا بشر إذاً مانخلى من العيوب والنقائص




--

وهم يظل في بيوت ماشالله لا اله الا الله عيني عليهم بارده



عايشين ومرتاحين وعندهم حرمتين وتعالي شوفي حياتهم وعيشتهم وعيشه عيالهم وشلون يتزاورون !؟



شي مو طبيعي والله من كثر ما ان اهما مترابطين وعلى قلب واحــد




فعلى حسب التربية وعلى حسب البيئة



وهم فيه ناس الحمدلله والشكر ..!؟ اللهم لا شماته



انزين جني قرقتج ;p



وعشان خاطر عيونج يام الحفيز اول مادشيت البيت وفجيت اللابتوب سييييييده فجيت البلوق وشفت بلوقج يمكن القى شي يديد

Cr8ivia يقول...

انا ما يبط جبدي الا اللي يقول الشرع و الشرع
ماعرف من الشرع الا الاربع حريم

و اهو المسيد ما يدل وينه!

ام الحفيز يقول...

عثماني
ماشاء الله عليك يا عثماني والله يطرح فيك البركه ويبارك لك بعشيرك...اهل اول كان في بيت الحموله الحريم ببيت واحد والزواج كان ستر لبنت العم او الخال....اما الحين من تزيد الاقريشات على اوله دور على الثانيه...وما كأنه الاوليه اصبرت عليه وعلى الضيم الي شافته منه بس ما نقول الا الله يهدي الجميع

ام الحفيز يقول...

ريلاكس

الله لا يخليني من سؤالج ابشرج ما فيني الا العافيه وجني البخت على التخت بس ياختج تسمعين هالقصيص وما تدرين هل التقصير من بعض هالحريم الي ما يدرون عن الهوى دارهم اللهطه حق شاي الضحى والتساييير من بيت الى بيت وما يدرون عن بيوتهم ولا الريال ياله ورث وقال وربج الحين اتقمص دور شهريار ....الرك مو الزواج الثاني الرك هل يقدر يوفر لهم احتياجاتهم سواءا معنويه او مادي الصراحه اشك في ذلك راعي البالين جذاب ولا اشقولج

ام الحفيز يقول...

Cr8ivia
شفتي اشلون يا ختي ......يفصلون الشرع على مقاسهم شكووه للله

غير معرف يقول...

ام الحفيز .. مساكِ الله بالخير وعذراً لرغبتي بالتعليق على ما أثارته الأخت
relaax
في تعليقها بشأن "العدل القلبي" .. وان هذا النوع من العدل هو المطلوب


اختي relaax :

توضيح فقط .. بالعدل المطلوب بين الزوجات هو عدل الأفعال لا عدل العواطف والمشاعر .. اي أن يعطي الرجل زوجاته نفس الحقوق بالتساوي .. مثل الوقت والمال والاهتمام وغيرهم .. أما العواطف والمشاعر فلا يملكها الرجل .. وليس مطلوبٌ منه ان يعدل بينهما في مشاعر الحب .. فقد يفضل واحدة على الأخرى حباً .. ولكن يجب ان يبقى ذلك الحب في قلبه وان لا يؤثر على تعامله معهم المتساوي .. وهنا تكمن الصعوبة .. فمن لا يقدر على العدل في تعاملاته فمحرمٌ عليه الزواج الثاني ومن باب أولى الثالث والرابع


كلنا يعلم حب الرسول صلى الله عليه وسلم للسيدة عائشة رضي الله عنها .. وكيف فضلها في الحب وأخذت الجانب الأكبر منه على بقية زوجاته رضي الله عليهن .. ولكنه كان عادلا بتعاملاته مع البقية .. لكل زوجة يوم .. الى درجة انه صار يُـيعرف ان هذا اليوم هو يوم فلانه .. وكذلك عدل بينهن بكلامه وانفاقه عليهن وبقية تعاملاته .. أما المشاعر فلقد اتفق المؤرخون والكتاب على أفضلية السيدة عائشة حباً في قلب الرسول الحبيب صلى الله عليه وسلم

ولكِ في ذلك قصة .. يوم وفاة الرسول صلى الله عليه وسلم كان يصادف يوم احدى زوجاته .. ولحبه لعائشة "استأذن" بأن يـُطبب في بيتها .. ولما أذِنت له بذلك انتقل الى بيت عائشة لتقوم على أمره وترعى شئونه في لحظاته الأخيرة حتى انقل الى جوار ربه وهو على نـحرِِها .. فما في القلب يبقى في القلب .. وحرِص الرسول الكريم على العدل في تعاملاته بينهن و"استأذن" ولو لم تأذن له زوجته الأخرى لبقي عندها .. لأنه صلى الله عليه وسلم مثالٌ للعدل


لذلك اقتضى التعليق .. وآسف على الاطالة .. ودمتِ وطبتِ

ام الحفيز يقول...

عبدالله &ريلاكس

اسمالله عليكم اثنينكم متفقين ان القلب ما يهوى ولا يعشق الا واحد فقط لا غير بس يمكن القلب يعز ويقدر ويحترام اكثر من واحد
وعليه الي انا افتهمته ان الزواج لازم ينبني على فكر واحترام وعقب يحضر الحب وينمد على بساط احمدي
الزواج الثاني مو ضروري يكون عن حب يمكن عن نزعه او رغبات او طموح الى التعدد في عدد الذريه من اجل المقام الاجتماعي والعزوه

يعني الحرمه ما لها راي في زواج زوجها للمره الثانية او الثالثه او الرابعه....طالما انه يوزع الليالي بينهم ومو مخلي عليهم قاصر
ومعدل بينهم

والمسعده الزوجه الاولى عليها ان ترضى بالامر الواقع...لا بالله كدينا خير

يا رجالنا الكرام تحلووووو بطبايع الرسول الف الصلاة والسلام عليه برقته وحكمته وعدله وبلاغته واناقته ونظافته وطهارة قلبه وتربيته لاهل بيته والابتسامه الي ماتفارق وجهه وصبره وعقب فكروا بتعدد الزوجات وتزوجوا ان شاء الله مثنى وثلاث واربع بعد.هذا رأي وانتوا عاد كيفكم

فراوله يقول...

مساج الله بالخير والكرامه"ياام الحفيز"أول شىء اتمنى أنج تسمحليى ازور مدونتج الجميله
وثانيا:ودى أقول بختصار شديد العشره ماتهون الا على ولد الحرام

والى ماله اول ماله تالى

:))))))))))))وتحياتى لج

Unknown يقول...

والله يبه ابتلشنا يدى الله يرحمه خذى ثنتين شفيها
شصار؟؟؟

الدنيا قبل ماشية جذى وانا الصراحة شايب اشجع هالافكار الحلوة
شفيها؟ حرام عيب؟
العشرة المرة على العين والراس بس ما غلط الريال لما يتزوج ثانية

على فكرة بس اللى يتكلمون بالشرع
فى قول بالشرع يؤصل ان الزواج من اكثر من وحدة هو الاصل والزواج من وحدة هو الاستثناء والله اعلم واذا تبون تأكدوا

احنا المشكلة عندنا ان الزواج من ثانية عيب اجتماعى لان المرة تحس بنفسها انها ناقصة مو حبا بالريال والا اكيد عندها الريال بالطقاق ما همها
:)

غير معرف يقول...

mishari :

احنا المشكلة عندنا ان الزواج من ثانية عيب اجتماعى لان المرة تحس بنفسها انها ناقصة مو حبا بالريال والا اكيد عندها الريال بالطقاق ما همها


كلامك هذا اللي قلته توك يستحق التأمل ;)

ام الحفيز يقول...

مشاري
هااااااااااااووو الحين صارت السالفه سالفة نزعه ملكيه؟؟ من قال ان كذلك الحرمه ان حبة ريلها واسهرت على راحته وبيته صار الحين حبها له حب تملك وبعدين طبيعي الشخص ما يحب يتملك الا الي يعشقه ولا اشقولكم!!اعيوني اذا الريال دعله وبخيل وحنه وعوووووووووي عساها يتزوج عشر ما همني ويازين من زار و خفف،والاوليين كانوا يقولون لحريمهم ويهيئونهم للمصيبه الي جايتهم مو الحين بالغبااا والخش والدس....فجاءه الا الاخ متزوج ومعيل وفاتح بيت وبيته الاولي مو لاقي ياكل عندك تقرم قال لا عندك تعزم قال ايه
وش هالعبوووووووووووو المشوطر

زهر الخُزامى يقول...

مو متفق مع مرته يتفاهم معاها
مو عاجبته يروح بدربه
عينه فاضية خل ياكل تبن

انا اسميها خيانة اذا ما كان في عذر قاسي كالانجاب وغيره بس هم المرة لازم يكون عندها خبر عشان تختار

Unknown يقول...

شفتى بالله في ناس تسميها خيااااانة

ليش؟؟؟؟؟ شنو الغلط
والله صدقونى لا تجردون العواطف شوي وتفكرون بعقل تلقون ان بالضبط انها صارت عيب اجتماعى

يا ام الحفيز هذا قبل المرة تحوف الريال
الحين الله يعافى الخدم حايفين البيت حوف

الهدوم مغسولة من منو؟
الطباخ من يطبخ هذا ونص الكويتيات الحين ما يدشون مطبخ
شنو بعد تبين؟
يبه الشرع ما حط اربع عبط
ورجعوا حق تاريخ الاسلام حق اللى يقولون ما يعرفون المسيد
لا يبه نعرف جبلة ربنا ومصلين ومسمين الحمدالله
لكن الوضع اللى احنا فيه بالعكس لازم الواحد يتزوج ثانية وثالثة
واذا مو كويتية
خليجية
واذا مو خليجية
شوفلك وحدة من هالدير


خل نشعلل الموضوع ابيها ضووو:))

malak يقول...

صح كلامك مشاري


مع ان انا بنت غيوره

بس

اذا ماصار جذي

راح تتفشى العنوسه بالبلد

واذكرج

باجر باحفادج

وحفيداتج

ام الحفيز يقول...

مجرد انثى

ياختي انتي الي فاهمتني والله ....وحياج الله العين قبل الحفيز اوسع لج يا عمري

ام الحفيز يقول...

مشاري

حسبي الله على ابليسك....حق تربط العصاعص زااهب
يووووزززز عن سوالف مرت الابو

بس تصدق عاد ماقول الا قولة المرحومه باذن الله عايشه المرطه في سامريه

هانت العشره عليكم والفرح
وانتهت ذيج الليالي من زمان
وهانت العشره عليكم الفرح
وين ايامي معاكم والمـرح
وهانت العشره عليكم والفرح
وين فرحي والهنا وذاك الحنان
وهانت العشره عليكم والفرح
ضاق فكري والجسم من ذكرى انطرى
وهانت العشره عليكم والفرح
يوم بدلتوا صفاكم بالهوى
وهانت العشره عليكم والفرح
كل محبوبن مع خله بمرح
وهانت العشره عليكم والفرح
وماجبرتوا خاطري الي صبر
وهانت العشره عليكم والفرح

Unknown يقول...

لو شنو ما اغير رايى مقتنع فيها وخصوصا بهالموضوع
:)

شاب خلوق وخوش ولد
ليش مو احسن من انى اصير نفس هذيل من شاليه لى شقة لا ما ادرى وين ؟؟؟؟؟
ويا ناس دلوووونى
درب السنع وينه

om-bukhnag-zare :) يقول...

صبحج الله بالخير أوخيتي :)ا
يالله صباح خير إستر ياستار :)ا

شالطاري :)عليج ؟؟
عاد اتصدقين شفت البارحة وحدة اللي يمي تبرعت بكل المعلومات عنها :) صديقةعمرها تزوجت ريلها !! ازعلت اشوي وعقب ردوا عادي شرايح وصديقات !!! @@ا
اشهالوفا اللي بصديقتها ؟؟!!ا
خاويني وخاويج واخذ ريلج واخليج :)ا
أبدن ما ينطبق عليهم :)ا
اوخيتي أم الحفيز أجابة عن سؤالج

اكيد ان الزوجة الثانية تحر الأولى... لأعتبارات وايد منها كرامتها وغيرتها من مشاركة زوجة ثانية وخوفها من فقد اهتمام زوجها وشغلات نفسية وايد
ولكن يبقى لها الإختيار أن تبقى أو تطلب الإنفصال

عن نفسي صراحة .. لو طلب أنه يتزوج بثانية فأكيد بسأله عن السبب لأن إذا العيب اللي فيني ما يترقع أو فيني طبع ما يتصلح ساعتها راح أضطر إني أوافق على زواجه من ثانية :) جنه بكيفي :)ا
خل يرد أهو الحين ذيج الساعة إن بغى
إن شاء الله ثلاث :)ا
ولدي مو هين من الحين يقولي باخذ 4 من كل بستان زهرة :)@@ وخييييذه رحت فيها 4 جناين

ودمتي لنا يا أم الحفيز :)ا

ReLaaaX يقول...

وي والله توني اشوف الرد على تعليقي


^_^




بعد اذنج ام الحفيز



--



اخوي عبدالله




ماكان عندي أي شك بالنوع المطلوب بالعدل

اللي تفضلت وذكرته بكلامك

وفعلا العدل والمساواة الفعليه اهيا المطلوبه





بس اختصرت الكلام بإن الميل القلبي صعب الواحد يتحكم فيه .. واذا ماني غلطانه اهوا المقصود بالآيه



"ولن تستطيعوا ان تعدلوا بين النساء ولو حرصتم "



هذا واقع ومذكور



--


ارد للموضوع ..



1


ذكري للجانب القلبي مايعني ان هذا المطلوب !؟


بدليل إني ذكرت أمثلة للبيوت اللي مرتاحه :))





2


ذكرت قبل شوي إني تطرقت للجانب المذكور بالآيه




3



ارد اعيد احنا بشر والآية الكريمة ذكرت هالشــــي



مع هذا مايعيب الانسان ان يميل بقلبه .. بس مايميل بتصرفاته خصوصا بمواضيع التعدد







:) مشكوره ام الحفيز على تقبلج لآراءنا وسعة صدرج

ام الحفيز يقول...

ريلاكس

حياج الله حبيبتي والعين لج مكان قبل الحفيز يا بعد طوايف اهلي