عــــــــــــليه سعيد ومبارك
ودكم تروحون اي عرس بالكويت ولا الفرش على دار مادار القاعه والقصار وصقال بطيرانه على المسرح واحنا متوسدين المخاد ومتغطين باللحف......شكووووه للله محد بيتغربل الا الي لابسه جيبوووون......بس اهم شي ان تكون الفرش مو خمره بل مطيبه ومبخره وريحة البوبميا (ام بنت)اتفوووووووووتح فيها.........ونفانيف السهره بتكون قمصان نوم من لابيرلا و فيكتوريا سيكريت و فيريتي وطبعا بنشوف قمصان نوم من انور ومال الله ..والمعرس بيدش علينا يا بدشداشه مقلمه وغترته اتجريمبه ولا مكسر واوزار وقحفيه او بيجامه وروب دي شامبر وتقديم العشاء
بصواني على الفراش يعني
Feast on the bed
يتروالي ما نرد البيت الا وعيونه متفخه من النوم....وااي طماشه اإلي بتشاخر بتشاخر والشراشف بتنتلف من كريم الاساس والي تسعبل على المخاد............ويــــــــــــــــــــــــــه لويه وضحك من قلب
على فكره بتكون في ملاحظه على بطايق الدعوه يرجى احضار معك عدت الحمام ...(فرشة اسنان ومعجون ومزيل المساحيق التجميلي)... يتروالي بيصير عرس ابو الفناتق ......اشريكم
هناك 16 تعليقًا:
مساج الله بالخير أوخيتي ام الحفيز .. الله يغربل ابليسج على هالصورة :)ا
تخيلي اشخير امهاتنا وحريمنا صاك على صقال طيران القصار @@ الله وكيلج يشوحهم من الدرايش :)ا
كل شي جايز هالأيام أهلنا قاموا يسوون مناكر ماردت على هالعرس الفنتق !!ا طماشة صج لسووها
اتصدقين من فناتقنا اللي قمنا انسويها كل شي صار باسج ماله طعم
ولا له زهوه :(
ذكرتيني .. ان شاءالله بنسوي نون ولازم اتعنتل قوق السطح عشان اكت عليهم النون :)وخيييذه عسى بس ما انجفي على ويهي @@ا
امي مصرة اصرار التصرصر :) انه الحوش كله ينفرش زل مثل أول جان تذكرين :)ا
ودمت لنا أم الحفيز :)ا
نطري وراح تشوفين هالفنتك بالكويت
مو خبرج احنا كلش ما نحب هالسوالف
ماشاءالله علينا ما في فنتك او حركة يديدة الا سويناها
ما نحط بخاطرنا شي :))
عزمونى والا للنساء فقط؟
ام بخنق زري
هذا الشغل العدل وامج عسى الله يخليها لج صــــــــــــــاجه تفرش الحوش زل وتسوي مولد بعد مو نون بس وصوت الطيراااان يصقل ويسمعه سابع جار والله يتمم عليكم الافراح
بنت الكويت
اسمالله علينا في الكويت....مالج علي حلفان اذا بتشوفين فنتق اسحبي لج كرسي باحد هالمطاعم في مارينا مول واطمشي على الفناتق الله ياهي فرررررررررررررجه الفرايج اشكال وارناق هلاوادم
مشاري
هاااااااااااو مشاري الحريم منسدحين وانت على اولج دافر وداش
وخزززززززززززززززززززززززززياه
هاهاهاهاهاهاهاهاهاها
هذا يصلحلي انا
والله ضحكتيني
...
ام الحفيز نذري تسويلي عرس جذي
;)
لووول
بدعتي
اتهقين نحجز اماكن خصوصي والا من سبق لبق
؟
لألألأ
فلانه وفلانه يميع والا كل بيت فرشهم يم بعض
مالنا خلق احد مانعرفه يتسدح يمنا
خلوه
مساج الله بالخير اخيتي ام الحفيز
مو خبرج ديرتنا ديرة هبات...كل شي يصير
ذاك اليوم يسولفون لي عن واحد رقلة ..طاح له رقص شرقي في عرسة!!؟
و المشكلة ان امة مستانسة علية .. و اتحلى علية ... لعنة علية
والله انا خايف لا ايي يوم الناس يروحون العرس مفاصيخ...الله يستر
و عسى الحفيز عامر ... يا ام الحفيز
عادى تغطوا :P
اى قااعه بتشييل كل هالسراير وبعدين وين البست الى بنرقص فييه
لا لا ما يصلح يا ام الحفييز
ويييه بصير رييقه
والسيرفس والتقديم الماى العصير الحلو القهوه الجيهات
كله واحنه مسدحييين
هههههههههههههه
لا لا مو عملى
بس احلى شى بالموضوع اندش مرتاحيييين انتسدح ونسمع الطرب
واهم شىىىىىىىىىىىى الفرشه والمعجووون
مالنا خلق تفيز وفيوزات تضرب
مو شى
عجييب البوست يوسع الصدر
:))
ملاك
هاااااااااو انتي من ربع المخده
شوفي حبيبتي النذر دين وانا اختج ما اعبر على الديون بس ان شاء الله سبحانه يبلغج بمرادج
الي بيصير ايصير
ياختي بدينااااااااااه هذا مكاني وهذا حلي وذاك حلج ؟؟
لا اعيوني من سبق لبق والعيايز جدام لان الطبله الي يم الفراش فيها قلاص حق الاسنان مع البودره مالت تعقيم الاسنان
والبنات وراااا
عثماني
لا تخاف ولا تحاتي وتفائل بالخير وان صار الي تقوله فهذا سلك القرازعه واللفووو اعيوني ولا اهل بطنها ما عندهم هالبربس هاااااااااو بعد هذا الي ناقص امفاصيخ؟؟؟ وخزيــــــــــــــــــــاه
مشاري
يوووووووووووز يا شقي يوز
كريزما
ويــــــــــــــــــــــــه اذا اشتهوا يحطون اتخوت اتصفط...والتقديم عادي يجيبون الستاف مال المستشفيات خبره بالتقديم للناس الي بالتخوت
وميد الرقص على المسرح....
واي جني اشوفج كأنج بزه على التخت مرتزه....والداد لرقبة داعيه جنها بنكاااه على ميزززززز تفتر يمين وشمال من بلاغة الشف
ولا اشقولج ؟
إرسال تعليق