جعل ربي يستضلك بضله .... يوم لاضل الا ضله
يا خادم الحرمين يا ملك عبدالله بن عبدالعزيز آل سعود
جزاك الله الف الف الف خير ......يوم انك وسعت على العالم ومنعت حرقت الشمس عن الحجاج والمعتمرين بهالمظلات العجيبه الغريبه
اميــــــــــــــــن جعلها بميزان حسناتك
ياعبدالله يا ولد المرحومه -باذن الله- الفهده بنت ال شريم
ناس تشتغل لربها وديرتها وشعبها ....واحنا الاجازه يومين الجمعه والسبت صارت تشبه باليهود..وبلاعين البيزه يتحجون عن حرمة المال العام...وعن تنمية الديره
مينون يحجي وعاقل يسمع؟
ما اقول الا هم ٍ يضحج وهم ٍ يبجي
والله يستر بستره ويرحمنه برحمته
ولا شقولكم مو شي يمرمر المراره؟؟
هناك 14 تعليقًا:
يزاه الله خير
والله ماقصر
الله يوفقه
ايتهنى ان شاء الله بفعل الخير
واحنا مو بس يمرمر المراراه
الا يقولب القولون
ويشيل ويشدخ بالضغط
وييييييييييييييييييييييييييييييييه
يبيلك قلب مايتعب
ee wallah ya om il7afeaz,
ana min zimaan agol leesh ma i76oon mathallat chinhom isma3oni ya3allha inshala fe meezan 7asanatah ya rab,
wi mashkora 3la ila'7bar il7ilwa hathi:)
ام الحفيز الملك عبدالله نفض السعودية نفضة مو طبيعية
والصراحة صج الواحد قام يتشرف لما يقول انه سعودى
يعنى للامانة قبل لكويتين يفتخرون الحين والله الواحد من هالبلاوى اللى عندنا قمنا نفتشل نطلع بين الاوادم
تخيلى
البنزين نزله 30% وفتح محافظ علشان اللى يبى يسوون مشاريع
والمناطق الجنوبية اللى كانت عشيش سواها مدن وبنى فيها بيوت وسكن الاوادم بعد ما كانوا لاكهرباء ولا ماى ولا شى
واحنا هالخمة الله يعزكم باسم الديمقراطية كل واحد شاطر يفصخ الثانى بلسانه والله انى محتر وباموت من القهر المشكلة يا ام الحفيز هالناس بالكويت مستانسين بالديمقراطية
ديمقراطية طيط انا اقول
شهالدمقراطية اللى الكل فيه يبوق
شهالديمقراطية اللى شاطرين فيها بس يتحجون ولا يسوون شى؟
خليها على الله ترى ميت من القهر
انا قلتها وارد اقولها
ديكتاتور صالح ولا ديمقراطية غواغائين
مشاري
اميــــــــــــــــــن جعل فالنا فال السعوديه ينحل الميلس وانزال الجيش بالشوارع وتدار الديره من قبل صاحب السمو لمدة سنتين والي مو عاجبه يطق راسه بالطوف اويحذف الجنسيته ويروح كندا....ولا اي مكان ونفتك من هالحبربش والهيلق خوووو طول عمرهم شيوخناواهل بطنها دايرن الديره بالعدل وحق وخيرهم واصل الى القاصي قبل الداني، بس من ادخلوا هالمترديه والنطيحه بالميلس واحنا لا ليلنا ليل ولا نهارنا نهار قطيعه تقطعهم
اميــــــــــن بمرة ملك يلقفها وتصير ونفتك من الدحره واللغووووووووووواه الي مالها لا طعم ولا معنى
وهم نقول يعين الله
الحمد لله إنه مكه بالسعوديه
وإنتى شاطرة و تفهمين يا أم الحفيز
الحمد الله علي كل شي
هاوو لييييييش زعلانين بديموووقراطيتنا ? ديموقراطية اللي بيبوق يبوق ، اشحاركم ?? خو صيروا مثل العالم اللي تشتغل صح وتبوق وتلعلع والكل اشوف حاطلهم قدر عيل انتوا يالفقاره ??!!!اا
صباح الخير ياويه الخير :)ا
الله يجزاه خير وعساهم دوم للأعلى
والله يا اوخيتي الواحد فينا من يشوف هاللي حواليه ويشوف اشكثر تغيروا للأحسن صار يترحم على حاله وحال الكويت اشلون صارت :(ا
خلي السعودية وخلي الإمارات تعالي شوفي قطر يقولولج صارت شي .. الله يهنيهم ويبارك لهم .. والواحد ما يطالع حسد لكن يطالع ويقارن ويتحسر على حال الكويت ليش وقفنا مكانك سر وليش وليش !! ماراح انخلص لو انعدد :(ا
ودمتي لنا ياام الحفيز
جاي حليب
مشكور وعساك على القوه يا اعيوني
ريما
الف شكر والحمدالله على كل شي ويا الله لا تعاجبنا فيما فعل السفهاء منا
اللهم اميــــــــــــــن
vancuover
نبووووووووق؟؟ حشااا ما انتي صاحيه اخر العمر حساب وعقوبه
الله لا تعاجبنا..ولا يدلينا درب الحرام اللهم امين،ويبعده عنكم وعنااا.
والي عاجبه الي يصير خيرته بيشوف فعايل سبحانه بالي ياكل الزقووووم والمال الحرام ويتبلى على خلق.... الله سبحانه يمهل ولا يهمل
من قال الفقر عيب؟؟ العيب في دناوت النفس وفقرها و لا الفلوس تروح وترد بس الكرامه ان راحت مستحيل ترد
اللهم اغنينا بكرامتنا وعزوتنا
ام بخنق زري
تعرفين ليش لان بشر في العالم الثالث مو كفوووا ياخذون برايهم لازم ينقادون وان عطيتهم الخيط والمخيط مو اعفسووج الا اقلبوا احسن الحوال الي اسواء الحوال
ماهم بكفووووو حشيمه
وميلسنا جدامج نواب يووواعه ونواب جشعين ما يترس اعيونهم الا الرمل
ومن النوادر تشوفين نواب سنعين هالايام
والله المستعان
جزاك الله خير
انا أروح مكه بالسنه إكثر من مره و كل مره أروح ألاقي تطوير يريح زوار البيت العتيق و آخر مره رحت كان في شهر مارس الماضي و كان العمل على أشده لتوسعة المسعى و اللذي سيصبح بعد انتهاء العمل دبل حجمه الحالي.
الحمدالله إن الحرم عند السعوديه ولا كان علوم.
عنبر
عنبر اشلونك وشخبارك مبطي من ما شفناك
حيالله بعنبر
والله ياخي مثل ماقلت اكو ناس تستشيرهم وتاخذ منهم الراي السنع وينفعونك وناس لازم تسوقهم سوق وما تعطيهم حتى فرصه يفتحون احلوجهم
مثل نوابنا الاضارط عفوا يا اخي
إرسال تعليق