أم الحفــــيز

يقولون الزمن تغير والاذواق تتغير بس انا اقول الشمس ما اتغطى بمنخل الزين زين لو يقعد من النوم والشين شين لو تغسل بصابون

ياربي ممثلات هالزمن اطلعولنا بطلعت التفصخ وقلة الحيا وبعض من بنات هالوقت على اولهم تقليد ... ووهوووي هوووي يا ناقتي... وين رايحين وراكم.... ياربي ماكو عقل وين الذوق والاستايل في اللبس واختيار الي يناسبني !! ياربي ما عندكم منضره بالبيت تشوفون روحكم قبل لا تطلعون وناهيتكم عن الوان كومكياج والغلتير والتاتو والاحمر والازرق والاخضر ما ادري اشلون و على اي اساس يختارون اللوان شي يحير

ياربي اشوفوا هالايام بعض من هالبنات عرضها عرض كبتات الهند (تــووول ) واترصرصلي ببنطلون ولا تنوره خطر ما تتفتق والشحوم باتفزر من شماطيطها !! و غيرها تشوفين تقاطيع ويهها حلوه ومملوحه لكن يا دافع البلا حاطه اصباغ على سنحتها وتاتوو والغلتر وصابه الكحل بمحقان بعيونها وكريم الاساس تقولين احد ذار طحين بويهها خلوووه و مسويه روحها على ما قالوا " ياهوله تهولي... قالت بالعون ماني امبقـــــيه "ا

اي عاد ليش هالنمونه وتكسف خلقة سبحانه ومقيوله "ما هان تبارك"؟ ومن قال ان بهالطريقه تضيفين شي لجمالج؟ بلاكت لوتبروزين شيفتج ببساطة الكومكياجج ابرك لج من اللعب بخلقة اللة مستحضرات التجميل هي عباره عن برواز للوحه لا اكثر ولا اقل

هذه الصور الي فوق شاقني الرقي والاكلاس بالبس والسنع على اصوله "غريتا غاربو" ونعومكم

الي يبي يقلد يقلد السنع مو هيفاء وهبي ولا بنات قناة افصخي ما دري ال بي سي

ولا اشريكم