أم الحفــــيز

يا عيني عينج ...وقميضه عليج يا ديرتي؟

متعسرة ،ومتعومسه ، محبطه ، ومالي خلق ، ولا يعه جبدي ،ومن فقعه مرارتي،ومتألمة ،ومتحسرة، وضايجه الدنيا فيني ،وكاره الدنيا بالي فيها، وداعيه جني نادية لطفي بفيلم النظارة السوداء امشي وأنفت بخلق الله......

.ياربي شي يجيب الماحي والقمات للقلوب إلي يصير يا جماعه...

الكويت الغالية صارت علج بحلوج البشر لا حشيمه ولا تقدير لها ...لا من أهلها واقصد هني النواب الي هم نواب مجلس الغفله والمرتزقة وإلي على شاكلتهم... ولا من الجريب ولا البعيد.... ليش؟ كل هذا علشان يزيدون جم صفر جدام رقم ارصدة حساباتهم بالبنوك!!! نعل بوخيــــــــْركم الأرض تشبع من الماي إذا جاها السيل صار طوفان واطفحت وانتوا لا تشبعون ولا تحمدون ولا تشكرون بالله عليكم شفتوا بعمركم معارضه بالعالم مليونيريه إلا بالكويت..!! بسكم المتاجره بحب الكويت إلي صارت مأكوله ومذمومة....بعرف إلي متى الأغلبية الصامتة إلي مو عاجبها الحال بتسكت.؟

يا جماعه الطيور طارت بأرزاقها وشوفوا حوليكم الكل ماشي إلى الأمام و أحنا مكانك راوح

ويا عيني عينج يا ديرتي