أم الحفــــيز

يازين البرقع زينااااه...ويازين من عرف وقدر لبسه

البرقع من صميم الزى الشعبي الكويتي الأصيل ويلبسونه أهلنا من الحريم في البادية كوقاية من لواهيب الشموس وهبوب الكوس وعفه للبنت و الحرمة على حدٍ سووا حيث انه هو حماية لها من تعرض الغرباء لها من الرجال ترعى الغنم على سبيل المثال ولا التنقل من خيمة إلى خيمة ولا من مكان إلى أخر، حيث أن مجتمعات البادية صغيره ومحفوفة وكلمن يعرفآخيــه فوجب على الحرمة لباس هذا الزي لحمايتها ، بالإضافة إلى الحماية على جمال بشرتها ورونقها ولا كان فيه الموضوع حرام ولا حلال حيث أن كان صلب الموضع انه عـُرف من الأعراف متعارف عليه ومشوو عليه أهلنا في البادية من زمان إلي ما اليوم ، أما أهلنا من حريم الحضر كانوا بدل لبس البرقع كانت الحرمه منهم عند الطلعه ولا لتساير أتلفع بملفع على راسها و تلبس عباة و تحط بوشيه والي هي عبارة عن غطاء من جرجيت او الموسليين(قماش شفاف) على الويه ولنفس الأسباب كانت تلبس البوشيه لانه عـُرف مو حرام ولا حلال، وفي الستينيات اقتصرت البوشيه و العباة على أمهاتنا من الحضر ولكن بمنتصف السبعينيات قاموا بعض من حريم الحضر الكبار بالسن على ابو تحضّر واليما اليوم يلبسون العباة مع نظارة شمسيه عووووده تغطي ثلاث أربع الويهه وبعضهم لا ....تلبس العباة بدون ملفع وتأخذ من طرفها لطمه على الخشم والحلج اذا شافة ولا اقبل عليها شخصٍ غريب او ما يحل لها ،وتصد عنه يعني كانت العملية كلها حيا ومستحى فطري لا فيها حرام ولا حلال . ا

الحين يادافع البلى دشو علينا بأزياء أفغانيه مادري بنغالية.... بالله عليكم النقاب اشسالفته ؟ وشيفرقه عن البرقع؟أ

ولا شـــــــي ......يعني يوم أن الحيا والمستحى نازل عليج انزول وعلى معتقداتج لبستي النقاب!!ا

هااااووو وش هالعبوووو ..وليش ماتلبسين البرقع...? دقه قديمه ولا شنو ؟ هذه وحده.ا

والثانيه حق بعض من هالمتنقبات ....يوم انج لابسه النقاب على ابو حيا ومستحى ماتقولين لي ليش مخوزر الرياييل

بالمجمعات والاسوقه والكحل بالعيون تقولين صابته صب بعينج بالمحقان ، ناهيتكم عن تشخبط اللوان الشيني فوق الجفون ....لا و الي مركبتها على هدب عيونها رموش داعي جنها اطراف قش مخمه..و هاببها العين ترمش من الثقل ولا كريم الاساس على اليبهه وداير العيون نص الويهه على ابو انج ابد بيضه بياض القطنه وبعرف يافوخج الوارم هذا وش هي قصته وشنهي الرساله الموجهه لمعشر المجتمع الذكوري من انتفاخ قمة الراسج؟... وغير هذا وذاك بعرف انتي اشلون داشه بالنفنوف الي بينبط من الضيج وداعيه تشنها عروس المولد من الترتر والالوان الصارخه..وفوق هذا اتزاحمين الريايل بالطريج وتسمعون طقة علج المستكه من تحت خِمارُها الأسودي ترنـــــع بممرات المجمعات وناهيتكم عن اللسان البذي في بعضهم ما ودج حتى تنبرينها بجلمه... يا دافع البلا دلاللللله دلالــــــــــــه مو بنت... فالعمليه لاهي حيا ولا هي مستحى ولا الله قالها...... القصة كلها شعور بنقص و تطبيق مبداء خالف تذكر وكل هذا حق لفت أنظار العموم ، وحجبها بنفس الوقت عن الخصوص من أهلهم ....ا

سؤالي الحين طالما الجميع متفتح على العالم من خلال ابسط شي الي هو الانترنت بحيث الإنسان ما يحتاج تذكرة سفر ليفجر معرفته بالعالم ولكن يحتاج الى وصله وجهاز ويسافر وين مايبي ويشوف ويتعلم ويثقف عمره ويربي نفسه اذا اهله ما ربوووه
ياربي متنا من الهيلق والتلــــــوث البصري