مسلسلات رمضان ويعين الله
الله يعينا ويعينكم على مسلسلات رمضان.....الله يا انتوا بتشوفون براطم منتفخه وخدود محشيه وكومكياج الاستعراضي والتلوث البصري والسمعي والفكري ...وهذا بصوب واشكال البيوت والاثاثها والخلاجين والصرعات والبدليات اللغويه عند الممثلات والممثلين وهذا طبعا بصوب اخر...ا
ويعين الله.....بس مادري ليش الذوق العام لبعض المسلسلات والفنانين في هالمستوى الهيللللللللقي والشوارعي ؟ وحتى في مضمون المسلسلات والاسفاف بالحوار ،والشكل العام للبرامج؟
ممكن احد يفهمني؟
عيزت وانا اقولوبها يمين وشمال ماوصلت الى نتيجه.
مع انهم يسافرون ويشوفون ويحوسون حوووس بالانترنت والمجلات ويشوفون كل شي واتصالاتهم بالعالم الخارجي والمتحضر بصوره يوميه..... طيب ليش التخبط بالاختيار وعدم استشارة ذوي الاختصاص في مسأله بسيطه وهي
كيفية احترام الذوق العام وعقلية المشاهد؟
هناك 14 تعليقًا:
خخخخ
عجبتني صراحه الرسمة الكاريكاتورية
الفلوس والركضة ورا الفلوس تخلي الكل يحوس
:)
شلون يحترمون عقلية المشاهد واهما هدفهم جيب المشاهد؟
صبه حقنه لبن
:|
لو الفلوس والجاه كل شي ونفعت اصحابها؟ جان انفعت فرعون ولا قارون ولا المقبور صدام....بلاكت الناس ماتتعظ ولا تتعلم حيث ان الفنون بانواعها تعتبر مرجع تاريخي والناس ترجع له... وتصير بصمه تاريخيه لكل فنان عاقل ومدرك لاهمية الدور اللي يقوم فيه وعلى سبيل المثال ام كلثوم وفريد وعبدالحليم وغيرهم الى الان اهل الطرب السميعه يتشرقون بغناويهم ويرددونها ..وعندنا من الفنانين الكويتيين اللي الليوم نسمع لهم ونطرب عايشه المرطه وعبدالله فضاله وعوض دوخي وغيرهم.. وكلنا اللي ما اليوم من المتابعين لمسرحيات واعمال عبدالعزيز المسعود وعبدالعزيز النمش وعايشه ابراهيم ومريم الغضبان...يعني الفنان اللي بيعتمد على اعمال سلق بيض يعينه الله على نفسه لانه بينشات بررره و من اوسع بيبان تاريخ الفنون وبيصير خبر كان ولا بيكون له طاري ابد عقب ما الله ياخذ امانته ولا تصير له اي بصمه يعني مثل العركوزات اللي بنشوفهم بهالشهر الفضيل ويعين الله
صدقتي يام الحفيز
اللي يحر انه أكثر هالمسلسلات مالها شغل بالواقع اللي نعيشه ولا لها شغل بالفن والذوق
فشلونا الله يفشلهم
مع الاسف هذا حال مسلسلاتنا
والسبب تلاقبنة في موضوع كتبتة تحت عنوان فجييير يوزي
ولهت عليج وعلى سوالفج يا ام الحفيز
اقولج شى يا نظر عيني :)))
شوفي ممثلين قبل وشوفي ممثلين الحين وتعرفين شنو الفرق
شوفي نصوص المسرحيات من وين كانوا ايبونها وشوفي مسرحيات الحين طاح حظهم
مبارك عليج الشهر مقدما وان شاء الله نصوم رمضان بالخير والصحة بدون مسلسلات لانها تغث وترفع الضغط وانا واحد ماني فاضي تعب زايد
الاجابه على سؤالج
الشهره و الفلوس
عادي يمصخر نفسه عادي يشوه
بخلقته عشان يكسب ما يهمهم لا فن و لا
ذوق عام دام بيقبض و بيرتفع سعره
بنهاية الشهر الفضيلل دنيا غريبه !!
لا دققين على هالاشكال بتتعبين ..
مبارك عليج الشهر و عساج من عواده
و الجميع ان شاء الله :)
مبارك علييج الشهر يالغاليه
ومن عوااده ان شاءالله
:)
والله يثبتنا ويصددنا عن هالمصاخر
امين
كل عام وانت بخير وينعاد عليج رمضان بالصحة والعافية
ودمتم بخير وسلام
مبارك عليك الشهر و كل عام و انت بخير
و لا تعورين راسك ويا التلفزونات
بتتعبين وانا اخوك
احسن شي تسوينه تريحين راسج و تعطينه اجازه و الا بتخربين صيامج من الغثا و الضغط
تقبل الله طاعتج ام الحفييز
من عواده
وعيدج مبارك
:)
عيدج مبارك :)
فاقدينج من غير شر
3eedich embarak w 3asach min il 3ayden w il fayzeen .. min zeman ma 6arbteeena .. wedna eb samrya men ili 3alla mazajich allah i5alich ..
الى جميع زواري نفر نفر وفرداً فرداااا
سامحوني على الاقصور في التواصل معاكم خلال فترة الشهر الفضيل ..وكل عام وانتوا جميع بخير وصحه وعافيه وعسى سبحانه يتقبل منكم صيامكم وقيامك ودعواتكم اللهم امين.
والله يصبرنا وياكم على غياب الغالي حسافتج ياكويت
إرسال تعليق