الحــــــــــــــــــــــــــــــــل
دهن الحل وهو زيت الناريل اللي ريحته تكفخ الراس ووايد ناس ما تحب الحــل وريحته !!!!،بلاكت مفعول الحل عجيب حق رونق الشعر ونعومته وسهولة تسريحه واطالة عمر بويصلة الشعر ونموها وازدهارها، طريقة الاستخدام وايد سهله لووووصوواا قمة روسكم بدهن الحل وخلوه على القمه اطول مدة ممكنه يوميا واستخدموا الحل لمدة ثلاث سنوات او اكثر بتشوفون النتائج وايد مبهره تزدهر قمة الراس والتخلصون من القمل والصيبان والقشره المزمنه وبتنمو فروة شعوركم وبتطول ولاااااا اللمعه عجيبه اللي تلفت الانظار وتتخلصون من تقصف الشعر وتساقطه.....وهذه هي ميزة الحـــــــــــــــــــــــــل العجيبه
اشرايكم بهالوصفه العجيبه
والله من وراء قصد
اشرايكم بهالوصفه العجيبه
والله من وراء قصد
هناك 16 تعليقًا:
i dont think so
but
i wish
اخاف انام وما اقوم الصبح
:))
كل أسف نحن المتسببون
بما ننتخب من نوعية نواب على مدى الزمن
نحن غير ناضجين بعد للديموقراطيه.......و بكل اسف
http://4and2all.blogspot.com/
مع الاسف مشاكلنا بسيطة بالكويت
ولا نعرف حلها إلا بالحل
حل الله بطون اللي في بالي
مااااا ينفع لشــعور الكويتيين لأنهم متعودين على الحنــه !!
والله من وراء القصــــد
:)
Cr8ivia
المثل يقول اسأل مجرب ولا تسأل طبيب
الاوليين ابخص
منال
لا ماكو الا العافيه وجعله نوم العوافي
4all
وعلى قولة المثل خبزن خبزتيه يا الرفله اكلي...والله انك صاج الجهل مو بالعقول حتى بقلوب مانعرف نحب
حسافتج يا كويت
اللهم اميييييييييييييييييييين
دلي وملي
ياختي حطي حنه وعقب لوووووصيه بالحل الله يشعرج بيبرق برقه ما صارت
أم الحفيز
أهديج هذي الإغنية
وفججي عقبها عاد
بس شرط !! بخري البيت بالاول
وإن جان عندكم يهال سكتيكم ووطي على التلفزيون
ولا خلصت الإغنية إدعيلي
فمان اللة
http://www.youtube.com/watch?v=wq8jMFczm58
لووووووووووووووووووووووووووووووووول
صدقيني اي ام الحفيز يا حبيبتي
اكو صيبان وقمل اقووووووووووووووووووووى
من الحل
!!!!
لانه وراهم زهيويه يبيضون مليون زليون بيضة
الله بالينا بالحشرااااااات
ترووووح حشره
تيي مكانها حشره العن
انا اقول تيزاب يمكن ينفع
لووووووول
واااااااااااااي حسافتج ياكويت
انته تينن
ام الحفيييييز
سمعييييها وماكو الا العافيه
والمزاج بيستعدل اميه بالاميه
لوووول
حسافتج ياكويت
ابعدي والله هذا القادري العجيب اللي
بيطلع فرور اللي خبري خبرك اللي يقضبون المايكروفونات بساحة القراده على ابو قوم محاربوا الفساد خلوه تخليهم الفساد منهم وفيهم..ويعين الله
vancouver
ياختي هم اقصاهم قمل وصيبان وقصعتهم بسيطه بس لجنة حماية الطفيليات المنقرضه ماتسمح بذلك ...حتى الزهيويه بتصير لهم نقابه لحمايتهم من المتصدين لارزاقهم
هذا زمن الروس نامت والعصاعص قامت
وما نقول الا يعين الله
إرسال تعليق