الاثنين، سبتمبر 27، 2010

يا حبي لهــــــا..... والله لا يحرمنا منها ويحفظها لنا اللهم امين


صج الكويت صغيره بس افعالها جبيره،،،، ومابي اذكر افعالها لان البلوغ ما يوسع للي بقوله عنها،،،،

وما علي من اللي يقارنها باي دوله خليجيه ، الكويت فيها سحر في جمالها الكويت غير ...تعرفون ليش ؟ لا الاسمنت المسلح ولا المباني والقصور والتضاريس والمنتجعات ولا الابراج والجسور ولا الطبيعه تخلق وطن ، الكويت فيها شي مميز يزيدها جمال كل يوم عن يوم تعرفون شنهو،،،،

شعبـــــــــــــها ماكو مثله ابد

ومن حكامها الي اهلها وعيالها

ماكو مثلهم ابد ، وين مايروحون يضيفون البهجه والسعاده ولا،،،وبعد ويرفعون اقتصاد البلادين اللي يروحون لها بالتشري وتقضيت اوقاتهم بالاناسه والاستجمام وبالدفع المقدم بعد

فمابالكم وهم في ديرتهم شيسون؟

والله من ادش هالمجمعات اللي بالديره ينشرح قلبي.....ياربي كل اللي بالمطاعم والمحلات والاسوقه كويتين ، لا مو بس يتواجدون ..لا يتفننون بالبس والمظهر ....ياربي ناس تحب الحياة وتحي المكان اللي يتواجدون فيه، لا وبعض هالمحلات من مشاغل وصوالين الحريم ولا ريايل والمطاعم اجتهاد شخصي من كويتية ولا كويتي حط الفكره واشتغل مبدعييييين لاقصى درجة اسمالله علينا

حتى اعروسنا حنا يالحريم الاناسه والطرب ما يزين الا اذا صارت الحفله بالكويت، ولا غناوينا وسامرينا ياربي الحي يحيك


يعني بالعربي البنية الاساسية لاي دولة هي شعبها وما مدي ثقافته وتمتعه بالحرية

كل شي ينشرى ويبنا ويتشيد من ناطحات سحاب وابراج وجسور وشوارع الا ثقافة الشعب مو للبيع


علشان جذيه اقولها احنا غير

والله لا يغير علينا الا بالخير

ويفكنا من الحساد والعذال وبعضن من نواب الغفله

الي مايدرون وين الله حاطهم

اللهم اميــــــــــــــــــــــــــــــــــــن


هناك تعليقان (2):

قلب طفله يقول...

اللهم امييييييييييين
صدقتي اهل الكويت مميزين بقلوبهم الكبيره
و الخيره و حبهم لارضهم ما ينوصف لو شطوا شوي و ابتعدوا مردهم لها و قلبهم واحد عليها عسى الله لا يغير علينا و يفكنا من كل حاسد و حاقد .

ام الحفيز يقول...

قلب طفله
وكلامج علي متمه قلوبهم خضــــــــره مايشيلون على احد طينتهم من الينه يالله من فضلك
امين الله يتمم علينا نعمة الامن والامان اللهم امين