ياحبيبي لما تغضب مني ..قول
ياربي شاقني الطرب والاصوات العذبه والكلمات اللي تتربع بالقلب وترطب الجفون اوفيييييه على الفن الاصيل .........ولا اشقولكم
ياربي شاقني الطرب والاصوات العذبه والكلمات اللي تتربع بالقلب وترطب الجفون اوفيييييه على الفن الاصيل .........ولا اشقولكم
هناك 12 تعليقًا:
حيا الله ام الحفيز
عزيزة جلال
وآآآآه من عزيزة جلال
صوت من الزمن الجميل
حنجرة ذهبية
ام الحفيز طلبتج
واضح ان ذوقج في الاغاني مطابق لذوقي .. تمااااما
فاذا كان عندج مكتبة صوتية من هالنوعية من الاغاني لا تبخلين علي فيها
وانا و مكتبتي تحت امرج
حافظج الرحمن
بييييييييييييييه
من وين مطلعتها
تصدقين وانا صغيره استثقل دمها المسكيييينه
واقول اكو احد يسمع اغانيها وليش يحطونها بالتلفزيون
تدرين ايام اول وباعمارنا
عندنا محمد البناي
ابووووووو الطرب
هههههههه
ويا دنيا دوااااره
ههههه
الحين فتحت الرابط
وسمعت صوتها
امبيه
عجييييييييييييب
صج
اللي ما يعرف الصقر يشويييه
:\
بس اهيا عايشة والا متوفيه
??
عثماني
افااااااااا عليك ما طلبت الا دوست اريولك يا اخي تآمر امر ان شاء الله كل ما تميت انزل لكم من الغناوي اللي تطيب الخاطر وتعدل المزاج
vancouver
ياختي الله يلوم اللي يلومكم قبل اشعرفكم بالاصوات بالله عليج محمد البناي ابو الطرب ؟ اشخليتي حق الله يرحمه عوض الدوخي...
اما عزيزه جلال ياختي صوتها مو طبيعي واظنها عايشه بس ماكو حظ ....بس اللي انا مو عرافه سره هو ليش اصوات بنات شمال افريقيا عجيب واصوات طرب للاذن؟
انا اقولج ليش و انا اخوج
هو مجرد توقع .. و ما ادري اذا كان صحيح والا لا
بس أصوات شمال افريقيا و المغرب العربي فعلا تتميز بخامة طربية غير عادية
السبب في ذلك ان من صغرهم يسمعون الطرب الصحيح .. و اذانهم تستسيغ الموسيقى النظيفة
مو مثل الحالة عندنا في الخليج .. احنا عندنا ان بشار الشطي فنان مطرب .. و هذي والله لكارثة
ثانيا هناك و بسبب قربهم من حضارات مختلفة و نهلهم من التراث العربي و الاندلسي ساعدهم على التميز
أم الحفيز أو أم الذوق الرفيع
منتي سهلة بالأغاني عندج مصادر واغاني تطلعينها وهلا انتي وحظج من اليوتيوب؟؟
وسلام اللة عليج وعلى ذوقج يا أم الذوق
عثماني
الله يهداك بشار الشطي مطرب ؟؟
لا اعيوني بشار مؤدي اغاني حتى منشد يخب عليه ...بس الحظ والمثل يقول قالوا يازينه قالوا من الشين اللي حولينه...
وبعدين انا اتكلم عن خامة اصوات مطربين شمال افريقيا او المغرب العربي مو اسلوب وادائهم ...اكيد من الناحيه الثقافيه والحضاريه هم معدين ومبدين ما شاءالله عليهم بس انا بعرف شنو ياكلون حتى حناجرهم تصير بهالعذوبه والنقاوووه والحشااااا الطويل لا الله الا الله لا من ريايلهم ولا حريمهم لا ظهر صوت فهو صوت مو غشمره خفالله علينا
حسافتج ياكويت
ماعليك زووووود اعيوني انا الحين قاعده ادور اغنايه حق سعاد محمد ملحنها حمد البعيجان بس ما ادري من كلماته
تقول فيها: ويش جرى ويش جرى خبرني يابدر البدور .......من جفاك ومن جفاك القلب اضناه الونين
اللحن اهي مقامات واوزان وكوبليهات دمااااااااااااااااار والصوت حدث ولا حرج كروان الشرق اسمع واطرب.... قاعدة الحين ادورها حتى اتحفكم فيها ما صارت الاغنيه عذاب
ناطرين تحفتج يا تحفة
احلى أغاني
انا ساعات اجابل روتانا طرب،، خاصة الساعة 11 اللي هي حزة ام كلثوم
خوش اغنية
حسافتج يا كويت
ياخيي عندي الاغنيه لقيتها بس ماني قادره احطها بالبلوغ مادري اشلون انزل الغناوي اعرف اشلون انزل اليوتيوبات بس بس غناوي من مكتبتي الغراء مادري اشلون ابتحفكم في مكنوناتها....افيدونا..افادكم الله
ال Simper
حياك الله بعد عقب ام كلثوم اشنسمع؟
إرسال تعليق