البلعه وما ادراك ما البلعه
ودى أعرف يا جماعة الخير شنو العوامل اللى تأثر فى ذوق الاكل عند االكويتين؟
فجأة ........... تكاثرت المطاعم اليابانيه و الكل صار يأكل سوشى على الأقل مرتين إلى ثلاث مرات بالأسبوع مع إنه كان بالكويت مطعم واحد بالهيلتون القديم من السبعينات إسمه (كاى ) و فئه قليله من الكويتيين اللى كانوا يأكلون فيه
يا ترا........ شنو اللى خلى الكويتيين المعروفين بأنهم ما يقدرون يبلعون لقمة الأكل إلا مع دقوس بو ديك ولا معيبيجه الى مرة واحده طايحين بالسوشى؟سؤال محيرنى وعسى ما اتمغط اعيونهم
هناك 5 تعليقات:
خفيف يا أم الحفيز معدتنا صايرو ما تطحن وحياتج
والا في أحلا من جدر المموش و الا معدس
بس أمراض العصر الحديث لوع جبودنا
قولون و لويه
والا مو من زينه السوشي
لكن مجبر أخاك لا بطل
اهم شي ال (بو ديك) على قولتج ههه
اي والله الذوق العام اخترب
و زاد التفقق :)
REEM
هاااااووو هاااااووو وشهالعبو المشوطر بعد !!! امراض العصر ما احد يابها الا انتوا وانا اختج من الرباده وقل الحركه ولا اشفيهم اهلنا ياكلون اكل الشر وحتى حكوكت الجدر اللي متروسه دهن صارت طبق واللكل يتنطع فيها ولا وازيدج من الشعر بيت الميز ما يخلا من الدهن العداني بعد هذا مو مية ولا خمسمية كالوري الا زليون كالاري ولا ضرهم ولا شي حتى التشنه باليبت يضربون فيها المثل اللي قالوا بطن تشنه ،،،،تاكل ولا يبين عليها يا اختي الحركه الحركه هي البركه.....يعني بتقولين لي انج ما تشربين كولا ولا بيبسي علي كل وجبه؟؟؟ ولا تاكلين جبن قلاصات ويا خبز الخمير وعقب تلحقينه برهيشه وجاي حليب وتغمسين فيه من هالدرابيل اللي اتقرمش؟؟؟؟؟ يا اختي السمن ما يعيل الا احنا اللي نعيل عليه ،،،،بس السلوق الياباني هذا اشلون تاكلونه يا اختي جنه اكل مستشفيات استغفر الله
ابو مشاري
اهم شي عسى ذوقك انت ما اخترب ؟؟ الهقوه انك راعي مجابيس
أكل ومرعى وقلة صنعه
وسلامتكم
إرسال تعليق