سؤال بريء
تصوروا ...دق التليفووون على احد فيكم
وقالوا له: لقد تم ترشيحك لمنصب وزير و لوزاره جديده هي وزارة السياحه
شنهي الاجنده الي رح يتم تجهزها من قبل المرشح/المرشحه لتفعيل اداء دورالوزارة الجديده؟
اذا اخذنا بعين الاعتبار ان ما كوووو نواب مصالح يعرقلون دور الوزيرالجديد
ودي اعرف احنا اشنبي...ملينا من النقد من غير حلول
هناك 17 تعليقًا:
بصراحة ومن غير زعل
اذا ما فتحنا البلد مثل دبي
أو قطر مستحيل تكون فيه سياحة
لأن ماكو شي أسمه سياحة عائلية
على الأقل بالكويت
؟؟؟
اذا هلا فبراير اللي يسمونه مهرجان السياحة والتسوق
أي شي ومافيه شي من ريحة السياحة
غير جم حفلة
هذي وجهة نظري
ودمتم بحب
سلوغااااااا بلوغاااااااا
هااااااااااااو اشفيك حمقان انا اقول لك لو رشحوك وزير سياحه شتسووووووي؟؟بسنا نقد وتكسر مجاديف لو مره وحده يااخي
شوفى انا ذاك اليوم اسولف بهالشغلة
نستغل هلا فبراير عدل
مثلا
فرق رياضية عالمية ونسوى دورة مصغرة
بدل ما الشباب هياتة
بالشوارع
الشغلة الثانية المسرح يهتمون فيه علشان يصير في مكان للعائلة
معارض كتب محترمة يصير فيه هامش حرية مناسب
تنزيلات على جميع المحلات بدون استثناء
الفنادق شوى ترد فيها الامسيات الشعرية والحفلات العادية
ــــــــــــــــــــــــــــــــــ
الصيف
فيلجا لازم تصير منتجع
الخيران ينقف من عرجه ويتعدل
اى ذكرتينى
دورت سامرية حلوة ما حصلت بالانترنت اذا عندج موقع فيه سامريات عطينى اياه
http://www.rowaished.com/ram_file/yaa-wejoodi.ram
بغيت احطلج ياحمام
بس هذى كلمتها حلوة
مشاري
اول شي زارتنا البركة وتوها ما استهلت وانورت حيالله بالغالي
ومشكور على السامريه رويشد بس ما يعدل الراس الا عواشه المرطه
http://www.zeryab.com/A/Aisha_Al_Marta_Samri.htm
زرو هالموقع وكله سامريات وخماري ومثولث والي قلبك يحبه
نرد على الموضوع اقوووووووووول وراهم ما دقوا عليك!! اي هذا الحجي الي يبرد الجبد يا خيي متنا من النقد والتعذرب على الفاضي المهم وين بتحط المسرح وشنهي الفرق العالميه الى تقترح يبونها غير حبربش العالم العربي وشتبي تسوي بمنتجع الخربان قصدي الخيران
بس الخووووووف من الكرسي اذا قعدت عليه خوفك يغير النفوس@@
بس اتصدق اشبهك شبعان وعينك ملياااانه الله يتمم عليك
اتهقى يمديك تسوي جسر من راس السالميه الى فيلجا؟؟
مشكورة على اللينك لانى ادور من زمان سامريات
المهم
الفرق يا عزيزتى
فرق كرةقدم علشان الملاعب تتنظف شوى والشباب يلهون بالكرة وبنفس الوقت يرتفع مستوى الرياضة عندنا
بالمقابل هالفرق راح تستغل فنادق
وتسغل وايد اشياء
المسرح المسارح الموجودة اساسها زين بس يبيلها ديكورات وتعديلات يعنى يمكن استغلال الموجود
والفرق المسرحية يشترط عليها نص جيد وممثلين يتم اختيارهم بطريقة فنية من خلال الفرق المسرحية بالكويت
الجسر صعبة من فيلجا لى السالمية مالى خلق وزير الاشغال يمكن يطلع عسر :P
بس جنى عشتى الدور
انفع وزير والا لا ؟
مشاري
هاااااااااو ليش ما تعيش الدور...كاهوو الشحومي عايش الدور انه معارض ويبي مصلحت الديره.....ما اقول الا ياشين السرج على البقر
بس انت يامشاري من اطروحاتك ومحاوراتك بعيد كل البعد عن اشكال شحومي وسعدوني وبروكي ونصوفي هالايام...الخ الي سياستهم (هي شاغلهم واكل عشاهم) نعل بوخيركم بلعتوا الاولي والتالي وهم عين عنجووووووه لا حمداً ولا شكورااااه
نرد لموضوعنا
من قال لك عندنا مسارح سنعه؟؟ حشا ماشفناها الا قبل مسرح الاندلس ومسرح سينما الحمراء الي الله عطاك عمرهم بعد وين في مسارح اقصاااه مسرح قصر بيان فقط لاغير والباجي قص ولزق
وانا اختك اشور عليك اول شي لازم تسوي دار اوبرا الي رح تكون تجمع بين مسرح تمثيلي وغنائي واذا بغيت يعرضون فيه موشحات اندلسوياه بعد ابرك من صالة التزلج الي انتلفت من الشيل والحط
المهم شتبي تسوي بالخيران؟؟؟
اول شى واللى يعافيج بدون بدليات :))
اندلسية بالضمة بدون الواو :)
انزين الخيران وايد اشياء اغير الاثاث واسويه في سينما
ومسرح
وانظف اليال ماله
بعدين الله يهداج انا وين وهالاسماء اللى قلتيه وين
تبين تعرفين انا شنو ؟
سمعى اغنية وطن النهار
مو غرور ولا تفاخر بس لو احد يشتغل مثلى بسلامة نية وما يقعدون يتصيدون لاحد
وطقتهم تعور
جان تشوفين هالمزبلة حشاج يتسعون بس الديرة فالتوه
انا اقول شوفيلى وزارة ثانية
ترى انفع خارجية
لا بس هذى محتكرينها
حطينى اعلام وثاني تلقين شرط الاعلانات تصب على تلفزيون الكويت
بس ما راح اقولج ليش فكرى انتى ;)
:*
أم الحفيز اشلونج
؟؟؟
شكلهم بيدقون علي بس انا بتنازل عن المنصب حق مشاري
يستاهل
:)
عنده خوش اجنده
مشااااااااااااااري
هااااااااااااو بدينا بدينا بالطنازززززه
اشفيها اندلوسياااااااات انت لو تشنفر اذنك اشوي وتحاول اتخيلني وانا اقووولها جان عرفت انها لفظياً تنقرااا هااااكذا يا سيباااوي
المهم انت اشفيك على تنقل الاثاث وتغيره لا عيوني الخيران يبيله اصابع ديناميت خمسه يفجرونه وعقب يعيدون بنائه على شكل مصح صحي ومنتزه على مستوى عالمي وبحيرات وتلال صناعيه ويسووون تليفروووووك من الخيران الى جزيرة قارووووه وعباره تنطرك من قاررروه توديك جزيرة كبر ومن ثم طائره هالوكوبتار تطير فيك من كبر الى فيلجااااا وعقب ترد الديره في محمل ولا بوم هاشمي وووووووااااي اناساااه خصوصا اذا استقبلوك العديد على يال فيلجا وصقلووووا الطيران والهلاهل واليباب وعطوك من هالمثولث والطمبوره وانت وربعك ردحه وصفقه
ويــــــــــــــــــــــــه صج رحلة العمر
اقول مشاري اشرايك اذا دقوووو عليك تخليني مستشارتك الاعلاميه للفنون والعادات الشعبيه الوطنيه الكويتيه ومقرها يصير بمنطقة العديليه
ورده
شخبــــــــــــــــــــارج يالقاطعه
ياحــــــــــــــــــــــــافظ كل هذا مشغوله بصالونج اليديد؟؟؟
المهم بالمبارك
صاجه الاجنده مالت مشاري خوش شي بس لو الله يهديه من تغير فكرة الاثاث الى نقاااااف المباني وتجهيز مباني راقيه ولي امد طويل
ياختي متنا من المباني الموقته
ولا اشقولج
انا اقول ليش بالذات العديلية :)))
مشاري
هاااااااااااو بعد معروفه العديليه اجمل منطقه من ناحية التقسيم وتوزيع الشوارع والقطع حتى العمي يدل فيها...اشلون غابت عنك يا فطين؟
صح صح وانتى صاجة عاد هالمنطقة شرحة صج
بس الخالدية نفس الشى
نفس التقسيمة
مشاري
لالالالا الخالديه مو نفس العديليه !!الخالديه لوووووووويه ام العديليه شرحه وايد ومقسمه صحه
بوست يديد ام الحفيز وسعى صدرى مليت من اللى بس قاعدين ويتشكون
التخصيص هو الحل .. اعطاء الشركات الخاصة مجالا للابداع مع مراقبة الوزارة لهو خير حل .. فتنحصر مهمة الوزير بمراقبة مشروعات الشركات الخاصة ومدى مطابقتها للمواصفات المنصوص عليها بالعقود المبرمة فيما بينها وبين الوزارة .. ولندع مجالا وهامشا واسعا للابداع طالما الروتين الحكومي كان معرقلا
إرسال تعليق