أ ُوبريت
الشراع الكويتي
اوبريت ولا اجمل الاوبريتات الي شفتها اليوم الصبح بالتلفزيون ماصار ولا استوى.....صدح فيها المطرب الوطني شادي الخليج بصوته الشجي وزميلته المطربه ذات الحنجره والصوت الكويتي القح القديره سناء الخراز وابدعو اعيالنا بلوحات الرقص الفلكلوري صج ردونا الى ايام عزج ياكويت والي هي الايام القادمه بعون واحد أحد لا تطوووفكم بيعرضونها بالتلفزيون والشكر الجزيل للدكتور المبدع يعقوب الغنيم على فكره الاوبريت والقصايد والديغان على الالحان العجيبه وبارك الله بالجميعواللهم ادم علينا نعمة الامن والامان والرخاء والسلام اللهم امين
هناك 11 تعليقًا:
متى يعيدونه ؟؟
انا ما شفته
بس وايد يمدحونه
:)
الحفل عجيب
بس بصراحة صوت شادي الخليج مو مضبوط هالمرة هذا غير التصوير والاخراج التعبان
حسافة ما شفته
بس والله استانست يوم دريت انهم عادوا هالاوبريتات الحلوة
يعطيك العافية
تصدقين ما شفته وما توقعت ان بيسون شى مميز
شلونج انتى شخبارج ؟؟
ياجماعه الإعاده لعرض الحفل باجر الخميس السهره....قعدوا بالبيت ابرك من حفلات فبراير
وكيح
لاوالله صوت شادي الخليج مافيه شي والي امبدعه سناء الخراز
وبعدين التصوير مافيه شي ياربي كويتين ماترتاحون الا لما اتعذربون على الشي ياشينه من طبع
بنت الكويت
ابشري باجر بتشوفينها الاغاني والالحان واللبس والديكوووور ماصار الله يواليهم العافيه
مشاري
ميته عليك من الوللللله اشلونك وشخبارك والله يعطيك العافيه وعساك ما تفقد غالي يا الغالي
توله عليج العافية وانتى صج الواحد يفقدج لان مكانج يبين بسرعة :) واذا تبين منى اهديج اكلتى المفضلة
رهش زائد خبز ايرانى وقورى جاى حاار يوم اليمعة انا حاضر والعزيمة على واى ثانى تامرين هم حاضر مع عدم ذكر الاكل الحديث لانى ما احبه :D
واليوم بخاطرى مطبق زبيدى والاهل ضبطونى وانا الحين قاعد بالدوام قاعد افكر شنو راح البس حق المطبق وشلون راح اكله واى نوع فلفل راح استخدم
مشاري
اتنقص لك العافيه ماقصرت يالغالي وجعل مطبق الزبيدي من محادير العافيه والله جني اشوفك عقب المطبق اتدور المخده وينها فيه
بس قبلها استكانة جاي مقند قوريها على فحم الدووه ياسلام سلم
ما كان بالمستوى المطلوب للاسف
حركات و رقصات معاده 100 مره حتى اللبس
مافي شي يديد
الاعداد قليله و المسرح غير مهيأ و الغلطات على افا من يشيل
باك قراوند سادة !
كلمات و الحان مكرره غير مشجعه بتاتا و تكاد تكون ركيكه
مقارنه بسيطه بين الحفله و حفله من حفلات شادي و سناء اللي قبل بنلقا فرق السما عن الارض
و ربنا كريم
cr8ivia
الله يهداك يعني اشتبيهم يلبسون لازم الالوان البراقه واشكال وارناق ....والظليمه شينه معك حق التصوير مو بالمستوى بالمرره وحرق الاوبريت حيث ان تنقل الكاميره تقول واحد لاحقهم بعصاة او المصور شاقه الطرب وقام يتنقز باللقطات على ابو الايقاع نقازي... واختفت الجداريات الخلفيه من الاوبريت ولا عطاها طابع مميز اما المسرح لا بالله عجيب ومجهز عدل بس الاخراج كان حق بعض هالاعليميه الي توهم داشين مجال الاخراج شكوووه لله
ماعندي شي اقوله في هذا الموضوع .. وعشان اكون اكثر صراحة ان اللي خلاني اعلق في هالموضوع بالذات هو تشابة اسمه مع اسم مدونتي :)
إرسال تعليق