أمينة في أمانية مليحه في معانيها
ليش لأ.........ما اقول الا الله يهني كل اسعيد بسعيدهعرس جماعي في اليابان.....ووداعاً للعنوسيه الفال لعيايزنا
هذول الريايل الي يحبون الاستقرار....و يدورون المخبر مو المظهر
مو عندنا مطبقين سياسة "تيس الفريج مايحب الا العنز الغريب"ا
اشفيهم بناتنا كلهم جمال ودلال وسنع ومنع
وتحطونهم على الجرح يبرى....وقله منهم الي هم البزع وراعيات مشاكل
وليش يتم التعميم على بناتنا بالمثل "مايعجبهم العجب ولا الصيام في رجب"ا
مع ان في ريايل..... يبيلهم قلب ما يتعب
اي ليش.....؟؟؟
هناك 42 تعليقًا:
ام الحفيز شكلج لج خاطر:)))
لا حول ولا قوة الا بالله
مساكيين
:))))
والله يا ام الحفيز بناتنا ما فيهم شى
النصيب النصيب اهو الى يصيب
لووول مشاري
بس والله خووووش موضوع
اي والله
شفينا انهبببببببببببل
اسم الله علينا
سنع
ومنع
وظفاره
وهبابة الريح
والزين عندنا والشي حوالينا
والسامع يقول امييين
الله يجبر بخاطرج على الكلام اللي قلتيه ياام الحفيز
:)
ameeen ya what will be will be :)
golololeeesh
ايه عليج يا ام الحفيز عورتي هالقليب = "(
وعاد من زين الي ياخذونهم !
تلقينهم طايحات حظ وفاجّات = \
ياحلو بنت الفريج (L)
ماعلينا ;p
اهم شي الستر على هالعوانس يكسرون الأفّاد =*
والله ضحكتني لما قلتي هابّات ريح
خلف الله على بناتنا وين هابّات ريح !
والله لوعو جبدي هالبنات البايرات :@
وتسلمين لي ويا بوستاتج السنعه ^_*
صباح الخير ياويه الخير :)ا
أخيتي روحي عساج اتوفقين دنيا وآخرة ..
جبرتي بخاطري الله يجبر بخاطرج :)
عطتيني أمل في الحياة :)
ام الحفيز :) يبييييله خته اليابان
الله لا يخليني منج يالغالية :)ا
صبحج الله بالخير اخيتي الغاليةام الحفيز
والله بناتنا جنهم البخت...انا ريال و اشهد انهم خووووووش بنات ...صح لهم عرات ...و ساعات يطلعون بحركات غريبة...بس هم عسل على قلوبنا
عسى الله يحفظ بناتنا
و عسى الحفيز دوم عامر
يمه ما يصير تسوين البوست
منشورات
وتوزعينهم على الدواوين
والشركات
والبنوك
وبالمره البورصه
الله يجبر بخاطرج
كسر الخواطر شيييييين
عسااا اييدج اللي طبعت هالبوست مااتمسها النار
قولي امييين
:*
على راسج
مشاري
لي خاطر!!!ليش لا...الحلال ما ينزعل منه وما ينعاف...وبعدين الريال السنع اشيبي من الحرمه غير السنع والمنع والثقه والحمدالله هالمزايا موجوده
وهي كالتالي: اعيوني
...من ناحية السنعه انا طول عمري مدبره واعرف ربي والحمدالله وما احب البهذله وقل السنع وتفسف الفلوس على غير معنى
من ناحية التدبير المنزلي مثل ما ادش المطبخ واسوي اشكال وارناغ من الطبيخ العجيب بالمقابل احب التسنع وطبخ الاطياب من البخور والخلطات العجيبه
واسبوعيا عندي يوم الجمعه حق التنظيف الشامل للبيت وتسنعه وتبخيره
والله يرحمه ابو الحفيز ما شاف مني لا حنا ولا رنه وما عندي الغيره الماصخه والتنشد وين رحت ومن وين جيت...كل الي يبيه جدامه والمفروض علي اسويه له من طيب خاطر والحمدالله الي اليوم حمولتي يحلفون براسي لاني طول عمري ابدي اهله على اهلي لان اهلي يعذروني ان قصرت بس الحموله لازم انداريهم ونقدرهم من منطلق علشان عين تكرم الف عين وعين
والحمدالله قانعين بعطايا الرحمن والله لا يخلينا من رحمته وتوفيقه
وبعدين الحريم ميزتهم بلسانهم وعاطفتهم وعلى قولة المثل :حـــلْ لْسَانكْ وْكِلِّ النَّاسْ خِلاَّنكْ
والريال اشيبيله غير المدارات والكلمه الحلوه....ان شد لازم انرخي والدنيا اخذ وعطااه
وخراب البيوت مايصير الا لما يقل التفاهم وبعض الحريم يا دافع البلى ان صارت عندها مشكله ركضاااه حق امها ولا رفيجتها تشتكي هذا فعلته وتركته...عاد هني الريال ماله خط رجعه يعتذر ولا يتأسف ليش انه المسعده مقدمه شكووه لوالدتها ومادري لمنو ولا صايره بخور السوق كل من عرف بقصتها...هني الريال لو له نيه يرد مايرد ولا يتاسف
فعلشان جذيه الحرمه العاقله تحل مشاكلها بين اطوف بيتها الاربعه...والصبر على المشاكل فيه اجر من سبحانه...والله يبارك لها بصبرها بردت ريلها عليها احسن من قبل
يعني بالعربي الفصيح: الزواج معامله دبلوماسيه فيما بين جميع الاطراف وعلاقه ازليه فيها المر وفيها الحلو
مو يقولون كل رجل ناجح ورائه امرأة
وسلامتكم
كريزما
ياحبيبتي نصيبج يصيبج على حسب نيتج والطيبون للطيبات وان شاء فالج الطيب كله يا اختي
الي يصير يصير
هـــــــــاااااااووووو دلاله دلاله شحنا فيه@@ومن قال غير جذيه ياختي الشر يعم والخير يخص...وبنات الاصل وخصوصا اصل التربيه السنعه من النسب هم الي يربحون بالنهايه واذا حصل الثنتين خير ٍ على خير
ريلاكس
ويجبر بخاطرج يا قلبي
سالفه عتيجه
اسمالله عليج زاهبه حق التلوووولش
الله يتمم عليج الفرح
فاطمة قطر
ياختي المثل يقول:اللي بغيت تضمها اسأل عن امها
اذا الام سنعه البنت تطلع على امها ان شاء الله...والبنات الي ماعندهم سنع ومنع بعد اذا ابي الوم بلوم البيت الي ربها
ولا الوحده فينا اشلون تعرف السنع خو السنع مو بضاعه تنشرى ولا اتأجر السنع طبع واسلوب الي الوحده فينا اتعود عليه من صغرها
والله يهدي الجميع ويفتح بصيرتهم
ام بخنق زري
ياربي اشفيج ياختي جنج البخت على التخت.....فيج خف طينه ما وردت واسلوب يقطر عسل بعد المناااااااا على الي بياخذج والله
عثماني
الله يجبر بخاطر يا اوخييي ويعطيك على ما اتمنى ويقول المثل "لو خليت خربت " ولازم الوحده فينا بين فتره وفتره تعر اشوي خوووووووووو الحريم مو منزلين بقفه....وبيني وبينك ترى في بعض من هالريايل ادعل.. لو تخلي الوحده منا اصابيعها شمع له ... عساه يقنع
والبشر مو واحد
ولا اشقولك يا ولد فريجنا
الملكيه المدللة
يسلم راسج يا حبيبتي.....وياختي ليش بنات الاجاويد والسنع ما يبيلهم اعلان مبوب حبيبتي بس يبيلهم انها اتصفي النيه وتنام بالبريه على قولة القايل وربي سبحانه بيرزقها بخيرتْ الشباب
ونصيبج يصيبج لو انت قاعده بالكنغيه
ياعمري وهم اقول الدنيا يبيلها صبر ودمتي يا المدللة
m3a innich '3ala6i bismi bs tmonin:)
mashallah 3leech ya om il7afeaz 7akeemah wi sij san3ah wi kalamich killah 3een il3gl
سالفه عتيجه
ماعاش من يغلط عليج يا ختي انا ماقلت شي .....كل الي قلته اسمالله عليج تحبين التلولولش يعني تحبين اليباب والفرح والاناسه والله يديمها عليج وعلى اهل الكويت اللهم امين
ومشكوره على الاطراء يا عمري
om il7afeaz
ismi
salfa 3ajeeba mo salfa 3ateeja
looooooooooooooooooool
يا ربي لا تبلينا
بعد هالعمر ما أبي لبحة شايب
اخيتي ام الحفيز فديتج يالغالية :) ا
أثارينا متشابهين ظروفا وسلوكا :)ا
أحمدك يا رب :)ا
سالفه عجيبه
المسامحه على قولت اهل البحرين.....العتب على الشطـــــــه وانا اوخيتج....واسمالله عليج انتي العجيبه يالله يحفظج
ريمااااا
هااااااااوووو اهو بيحن وانتي بترددين السالفه اكثر من مره ....واشدعوه احد بيسمع حق الثاني....مقعدكم بيكون هاااااااااا وشنوووو واشقلت وهو يقول وشتقوليين وعقب اييييييي يطري عليج
لوووووووووووووووووووووووول تخيلتج
ام بخنق زري
شفتــــــــــــــــــــــــي اشلون
اسمالله علينا اقلوووووبنا شواهد الله يتمم علينا الوصل فيما بيناتنا اللهم امين
اوكى :))) انا كتبت ربع سطر ورديتى على بجريدة
خلاص اوكى متى الوعد :))
الله عليج يا ام السنع
بغير اسمج ترى من ام الحفيز
الى ام السنع ، تستاهلين والله
بس تبين الصج
ترى حريمنا مافيهم شدة مجابل رياييل علهالعمر
شوفيهم مساكين
مكمكمين اعمارهم بملافعهم وقاعدين
مو مثل اللي تحجين عنهم
يعني كل شعب وله طبايعه ، حريمنا من تعدي
الستين تبي تجابل 3 اشياء
رادوها وسيادتها وعيال عيالها!!!!!!!!!!! ويييييينها وين تعرس ??? يكسرون الخاطر
طبعا في استثناءات اكيد
و شكلج منهن هاهاهاهاها
بس اتكلم عن الاغلب
عاد لي تزوجتي اتسوين عرسسسسسسس وتلبسين نفنوف يديد هاهاهااها
ما قلتيلنا شنو مواصفاته ? يحلوج ويا حلو سوالفج و الله
الدنيا حظوظ
والزواج مثل الرقية - البطيخة حسب قول أخوانا العرب
المشكلة مو في بناتنا المشكلة في المجتمع
والسلوك الاجتماعي العام
هذي قضية طويلة
لكن اسجل اعتراضي على المثل اللي انقال
تيس الفريج ما يحب إلا العنز الغريب
لأن المثل الأصلي يقول
عنز الفريج ما تحب إلا التيس الغريب
:)
ودمتم بحب وود
afa 3leech itmoneeen ya il'3alyah :)
wi ana ra7 adashin hal7amla m3ach,
بدامها دعوة مفتوحة من العوانس
للعزابية بالزواج...
أتمنى الزواج من عيوز شابة
شمحوطة و لكن دميمة
دلوعة بس بعقلها ثقيلة
و شكرا
الدزة تلقونها عند أم ترتر زري مادري بخنق :)
مشاري
الله يهديك تبيني انا اوصل مواصيل كتاباتك ياربي انت تصيب الفكر بحرف اما احنا يالحريم هذرتنا ما تخلص وجان زين تصيب يوم تصيب وعشره تخيب
امين جعلي اوصل مواصيلك في الكتابه ما شاء الله -بعد مو تقول نظلتيني- هذا اسمالله وذكرنا
اي وعد اعيوني؟؟
Vancouver
تسلمين يا بعد قلبي وما قصرتي حبيبتي وما عليج زوووووود
والصراحه الكبر مو عذر واحنا من ندش الدنيا واحنا ندري اننا بنوصل هالمرحله وماكو خط رجعه ....وهني التدبير يبدي ياختج الوحده لازم تهيئ نفسها للمرحله القادمه وتروض روحها وتوسع صدرها وتبتعد عن اللقافه وبلاغة الشف والمحاتات ونشفت الريج والنشده...وتتفرغ لنفسها واتدللها وعقب اتدلل الي حوليها وتتبع سياسه يالله نفسي واشعلي انا من الناس وشعلى الناس مني
وعقب شوفي بعضهم عند60 سنه وفوق اشحلوه ويهم سماحه ومنوره لا والحبابه والدنيا تحلف براسهم وتحترمهم... وتمقلي بعد بتسنعهم وتزكرتهم الي صارت عندهم عاده مو شي تفتعله افلانه سوت انا بسوي مثلها
الشـــــــــــــــــــــاهد العمر رقم....ولكن الشباب والنضاره بالروح والملقى وهذا ماله رقم....وصاجه بعض من العيايز الله خير ما تشبعين من ملقاهم وقعدتهم وتزهلقهم وسنعهم وبعض الاخر..الله خير هوووي هوووي يا ناقتي ودوني ويبوني لا حوله لهم ولا قوه الله ارحم حالهم
اشيبيله العرس ياختج مرتهش و وديرمه وكحل البجر ودراعه منغمشه بالاوان الي تفتح القلب وعقب كرسي ويلوووواه وسامريات واناسه ....وكيدااااه العذال وانا من يومي ايووواه اه
ولا اشقولج
سلوغااا بلوغااااااا
من قال الزواج مثل البطيخ إلي يقول جذيه ماعنده سالفه... الزواج وانا اختج شاشه كمبيوتر وكيبورد مايشتغلون الا مع بعض وتعم الفايده على الجميع منه ..والرك مو على الي يشتري الكميوتر والكيبورد الرك على إلي يعرف اشلون يبرمجهم ويستعملهم صح
اما بخصوص المثل
ياختي ادري بالمثل بس عنز الفريج بالزواج ما تسعى لتيوس الفريج الرك والباجر على تيوس الفريج الي يسعون على العنز الغريبه وهذه سنة الحياة
فعلشان جذيه قلبت المثل
سالفه عجيب
الله لايخليني منج يا حياتي
عتيجه الصوف
الله يهديك اشلون عيوز شابه وشمحوطه؟ وعقب مو شرط دميمه ودلوووعه؟
الله يهديكم يا شيابناااه الخراف مشكله معاكم وتلومونا بعد؟؟
انا موافق فى احد يبى يتقدم :P
مشاري
حسبي الله على ابليسك يوووووووووووووووووز
صاااجه ياام الحفيز باللي قلتيه وكتبتيه .. خوش كلام
يعطيج العافيه
نيسكافي
ماعليج زود يا الغاليه ومشكوره
الاستاذ بلاليط
اي والله وانت صاج...امين جعل الله يسخرلك من يلقطك يا عيوني
استاذ بلاليط
تبي معكرونيه تلقطك مره وحده@@اشلون
اذا بغيتان تطاع اطلب المستطاع
انت يبييلك زلابيه تلقطك مو امعكرونيه
إرسال تعليق