من عجائب بعض الرجال الخليجيين
إذا جاع انهبل
وإذا شبع نام
وإذا نام ما قام
وإذا قام نكد وطلع
إذا طلع ما رجع
إذا رجع آخر الليل قال : وجع نايمه !ا
لا يعرف الرومانسيه
ومن الطلبات عنده حساسيه
وزوجته دايم منسيه
وافكاره سطحيه
وإبتسامته غبيه
ويحب النجريه
مشاريعه خسرانه
وأسهمه دمرانه
وشلته تعبانه
ونفسه عيفانه
وجبده حايمانه
وأسهمه دمرانه
وشلته تعبانه
ونفسه عيفانه
وجبده حايمانه
عياله مهملين
وبالمدارس معللين
واهله دايم الحقانين
واهله دايم الحقانين
لو كانوا غلطانين
و مفلس وحالته حالة
وزوجته تشتغل وتزيد حلاله
وهو شكاي من الظروف واحواله،
ودايم يفكر يتزوج الثانية ويقول حلاله
وكل هذا ويقول انا وانا وما في هالبلد مثلاته
ودايم يفكر يتزوج الثانية ويقول حلاله
وكل هذا ويقول انا وانا وما في هالبلد مثلاته
واحنا نقول" يا خرطي يا مالوووووووووووووووووه"ا
مو كلهم بس بعضهم
هناك 28 تعليقًا:
الله فكج مني يومنج كتبتي مو كلهم
ولا جان شخلصج من إلساني
بقى شي ما كتبتية؟؟
أم الحفيز
نبي شي يمدحنا بليييييز
ولا ترى بزعل وبكلم رفيجي بالبلدية يصك حفيزج وشمعة بالاحمر
ودمت سالمة يا الغالية
حسافتج يا كويت
هااو هااااو هاااااااو اشوف صارت القصه ارهاب وكباب...وليش تكلم البلديه.. هل الحجي عن الريايل يعتبر من املاك الدوله وتوجب عليه الازاله؟
وبيني وبينك وحط عيني بعينك مو هذا الصج في بعضهم...ا
وفعلا انا وياك اكو ريايل تحطهم على الجرح يبرى ونعومك مثلك وشرواك...وهذول عاد الي مرفوع عنهم القلم من زود السنع والذرابه الي فيهم
الله يخليج يا أم الحفيز
كسبتيني بكلمتين واللة
والرياييل بسرعة ينقص عليهم
عموما ماني مبلغ عن حفيزج خلاص هونت
بس ما قلتيلي بتكتبين تمدحين بالريال ولا لأ؟؟
الريايل بسرعه ينقص عليهم@@؟؟؟ الريايل يغطسونا بالماي ويطلعونه ناشفين بعد....بس البعض الاخر لها فكره ان شاء الله تنشر وعلى ما قالوا لو خليت خربت
انا بحط عيني بعينج وبسألج انا جذى ؟؟؟؟
بذمتج ؟
افا يا ذا العلم وانا ولد ام مشاري
مشاري
بالله عليك انت اشبهك منسدح على الصيهد ومشنكل رويلاتك وحاط نظاره؟؟؟
ما اظنيت انك هكذا يا اخي ....انت عين السيح لو يسون منك كلووونك جان ثلاثة اربع الحريم براحه ولا راحو يرشحون لانتخابات الميلس.اتعرف ليش؟ لانهم مارح يملوون من شوفتك واحجياتك وسوالفك الي تشرح الصدر يا اخي وانا اول واحده فيهم اخذا من اشابيهك المتكنوله
ياربي خفت طينتك ما صارت اصلا ...يا أخــــــــــــــــــــــــــــــــي
قولي امين عسي الله يشرح صدرج مثل ما شرحتي صدري رفعتي معنوياتي في زمن العولمة يا ام الحفيز :)))
أم الحفيز
احنا مساكين
وربي قال إن كيدكن عظيم
ما قال عن الرياييل إن كيدكم عظيم
!!
ههههههههههههههههههه
انتي عجيبه يا ام الحفيز
قلتي مميزات الريال الخليجي بختصار مفيد
تسلم هالدرر الكويتيه الاصيله
طبعا مو الكل البعض
^_*
دمتي بحفظ الله انتي و حفيزج
مشاري
ان شاء الله دوم مو بس اليوم صدرك منشرح ومعنوياتك مرتفعه باللوج يا عمري
حسافتج يا كويت
كيدنا عظيم؟؟؟ تعرف ليش من فعايلكم على ابو انكم قوامين على النساء اخذتونا بشراع وميداف....وسبحانه يعطي على الضعف قوه...والله اقوه يا نصيبي وانا وش بيدي كل ما عدلة واحد يميل الثاني
قلب طفله
حياج الله يا حبيبتي وهذه مو مميزات رجل هذه يسمونها سلبيات رجل
الله يعينهم على نفوسهم ويعينا عليهم....
ما شاء الله عليج يا أم الحفيز كلة مسكتتني
ما تنصادين يمة منج
حسافه عليج ياكويت
اشدعووووووه لكم الحشيمه والكرامه عاد انتوا عزوتنا...و سندنا و العين ما تعلي علي الحاجب.....يا اخي
عزيزة وغالية يام الحفيز
بس ما قلتيلي شتبيعين بحفيزج؟
حسافه عليج يا كويت
الله يعز شانك يا خوووي
حفيزي يا محفوظ السلامه يبيع مواد للاسف غير مرغوبه هالايام بس انا على يقين من ان الطلب عليها بيزيد...حفيزي يا الغالي فيه تنباع مقادير طبخة حب هالوطن الغالي الي فيه الامل والتفاؤل والكرامه -للمضيعها- على شوية رضى مع كثير من المنطق والنيه الصالحه و الفناعه والحكمه وتجهّز هالطبخه على نار التنميه الهادئه وتقدم على طبق عزج يا الكويت.....المشكله ان الكل يدعي معرفته بالطبخ ولكن المشكله بالمقادير المغشوشه واسلوب خلطها
ومقادير يا قلبي العنا مقادير.... ومقادير وشذنب كويتنا مقادير
يسلم الحفيز وتسلم راعيتة والله
لووووووول
حرام عليج ساويتى الكل والله فى ناس سنع ومنع بس انتوا يالحريم عينكم ضيجة
لوووووووووووول
واحنا يالرياييل صارين مثل ريل العمية مهما يسوى ما تشوف
هههههههه
تدرين عاد يماااالووه مالت عيال شرق مو حجى اهل جبلة :)
حسافتج يالكويت
الله يسلمك من الشر يالغالي....اتهقى اكوو شرياااه لبضاعة حفيزي هالايام؟
كاظماوي
الله يهديك انا قلت بعضهم مو كلهم ...وعل قولة القايل لو خوووليت خووووربت
واحنا عيونا ضيجه الله يهداك...طول عمرنا بالعينها غصه ومن جعمين وساكتين
لا من الريل ولا من حمولته الوحده فينا مثل الثومه مأكوله ومذمومه....ما يعجبكم العجب ولا الصيام برجب كله الي عند الغير احسن من الي عندكم وبين ايدكم
وبعدين حجوة اهل شرق ولا جبله المهم حجوت عيال بطنها ولا اشقولك يا اخي
أم الحفيز
إلا من رحم ربي
مع الأسف ماكو
حسافتج يا كويت
تفاؤلوا بالخير تجدووووه....والكويت ديرة الخير باهلهاوحكامها...وهي مثل البحر فيه النفيس والخايس فلا نحكم على البحر بانه خايس بسبت القصيع إلي على سطح يال البحر ....وإلي خيرته بيرووح من اول هبت ريح وبينشف على رمال اليااال وبينشل من عمال النظافه...بـــــــــــــــلاكت
روح قبــــــــه وشوف الكنوز داخل البحر من لولو ومرجان وبترول وذهب ومعادن وخيرات الله وكنوز الكويت بأهلها و طبايعهم ووصلهم لبعضهم بعض وأصل عيال بطنها موجوده وماتتغير طبايعهم الا ماندر وان شاء التوارث لعيالهم....بس لو كل ربة ورب بيت يجابلون عيالهم باسلوب حضاري جان القصيييع ما عاش بينا
وسلامتك واتعيش...افصخ النظاره السوداء واللبس نظارة الامل
أم الحفيز
ممكن سؤال لو سمحتي وما ترديني فية يا الغالية؟؟؟
حسافتج يا كويت
ان شاء الله ما اردك...انقدرت اجاوب عليه
امرني
كم عمرج
وصدقيني مو لقافة بس ودي أعرف هالحجي الطيب هذا طالع من وحدة جم عمرها؟
حسافتج ياكويت
وخزيااااااااااه تسألني عن عمري؟؟ ياربي ما ودي اسوق الجواب ماصلي وانا اوخيتك....شوف لك سؤال ثاني والي يعافيك
لوووووووووووووووووووووول
واللة أنج على راسي
وما كو منج أثنين
ويا حلوج ويا حلو حفيزج الطيب
وكلامج
ورب الكعبة أنج أنسانة أستانس ادش اقرالها
حسافتج ياكويت
قول امين يعل يدش عليك السعد والسعيد اليوم وكل يوم ودوم
حياك الله وان ما وسعلك المكان لك بين هدبنا مكان
وحياك الله انت ومن تعز يا اخويييي
إرسال تعليق