أم الحفــــيز

ياللله توكلوا على الله

كلنا نصم ايدنا ونعطي بوكس

عمي

لكمه مبرحه- للاغلبيه من نواب الفساد وبلاعين البيزه الي يتاجرون بالشعارات ويخدرونا بوعودهم

على حساب استقرار وامن وتنميه هالبلد

بسنا تحلطم وتحبيط وتذمر وشعور سلبي خلاص الي متى السرج على اظهورنا ونواب الغفله يقودون الاغلبيه منا بشعاراتهم الجذابه والاغلبيه هوووي هوووي يا ناقتي ولا على الخيل يا شقراااه

شوفوا هالايام بدون ميلس الديره قامت تمشي وقرارات قامت اتفعل والوزراء قامو يشتغلون عدل لاعوير ولا زوير يهدد ويتوعد ويستجوب ويلجم فيهم ويكسر مياديفهم

خلاااااااااااااااااااااااااااااااص

هذه فرصتنا ننتخب الافضل والشبعان والي خايف من الله و على هالارض وما نبي ستوووكات ميالس قبل العتج ،،،اللي ماسووو شي يمت بصله لا للتنميه ولا للمواطن ولا للاجيال اليايه

ولانبي نواب تجاريين ولا نواب خونه ولا نواب ياكلون الزقوووم (يعله زحير في جبودهم) نبي نواب عيال بطنها اللللي يخافون على هالديره واهلها مثل خوفهم من ربهم..وعندهم منطق واخلاق وحنكه بالمحاوره مو هيلق وشلايتيه مايحشمون الجبير ولا يسمعون للصغير

يالللللللللللللللللللللللللللللله

هذا وقتكم ...يا القوه الصامته(يا قوم مكاري)ا

والي بالجدر يطلع الملاس

والي بقلبه الصلاة ماتطوفه

وهذا الميدان يا حميدان

وانا ما اشره على اللللي اشترى وبس..... بلااااااكت شرهتي الجبيره على إلي يبيع كرامته وشرفه الي هو صوته ويحطه في وضع المساومه لرقم ينعرض عليه

.

حسبي الله عليكم...... استحووووو على اويهكم يا جليلين الحيا

بــــــــــــــــــــــــــــــــسنا تلجـــــــــــــــــــــــــــــــــــــــــــم

والله العظيم محتره ومنفقعه مرارتي من سواتهم لا حيا ولا مستحى

اخر شيء

سؤال واحد أبي أحد يجاوب لي عليه

المرشح الي يدفع هالالاف ويشتري اصواتكم اشلون بيعوض مصاريفه؟

وانت يا ناخب بوطقه،، يوم انك صّوت حق هالمرشح خوف منه حتى يعطيك الي تسميه( المقسوم ) ماتدري ان سبحانه فوق شايف وعارف ومقسم الحلال على هالبشر بحكمته

يعني الرزاق سبحان مو المرشح

بس مقيوله سبحانه يمهل ولا يهمل

وهذه الكويت وصل على النبي حوبتها جبيــــــــــــــــــــــــــــــره

وبتصيب كل خاين يا بنفسه ولا بأهله ولا بذريته

يا دافع البلااااااااااااااااااااااااااااااه