بما إن هالويك أند الياي طويل بمناسبة عطلة الأسراء و المعراج،قررت أقضى العطله بالبيت و راح أسوى هالأشياء اللى ودى أشارككم فيها
طلعت من الكبت أحلى مسرحيتين أحبهم وراح أحطهم وأشتغل ضحك عليهم
زهبت علب بسكوت (تك) المالح حق التغمس بالشاى والحليب مثل أيام أول
طرشت على خبز إيرانى مسمسم من الخباز بفرع جمعية الدسمه (لأنه أحسن واحد) مع قواطى جبن كرافت التنك
هذا حق أول يوم
واليوم الثانى
قررت أجيب لى همبرغر جبن من (ويمبى) الفرع الوحيد الموجود بالكويت فى جمعية النزهة
يظل أكثر همبرغر لذيذ و يذكرنى بأيام أول
وأخيرا، جبت لى فستق مملح من المطحنه الفاخرة بالمباركيه حق التسليه
عزة الله زدنا 5 كيلوات بهالعطله
كل عام و أنتو بخير
هناك 6 تعليقات:
loooooooooooooool
الله عليج ياام الحفيز
عايشه المرطه ياسلااااااااام على المزااااااااااااااااااااااااااااج
وعليج بالعافيه اهم شي انج كليتي من ومبي :p
الحمدلله لا زالت الناس تتعنى له ;)
"زهبت علب بسكوت (تك) المالح حق التغمس بالشاى والحليب مثل أيام أول"
إن كان مثل أيام أول، لازم تكملينهم ببخصم ودرابيل وحلوة ورهش .. ولاتنسين القرص العقيلي حق الريوق.
ريلاكس,,,حبيبتي والله حياج الله
يا اختي اللي ما يطرب حيوان عذج الله يا ربي ما يجيب المزاج ويمخخ الكور غيرها المرحومه ان شاء الله عواشه مو غناوي هالايام الحان وكلمات ماصلي خلوووه وقطع ،،،،والومبي ولا غيره،،،،يا اختي نااااطع ،،،،،وحياللله ريلاكس والله ولهت عليج من مبطي عنكم ،،،،وهذه الساعه المباركه اللي زرتينا فيها وعساج عالقوه
Basees
اشدراك؟؟؟ كله موجود بسلامتك واللي ماله اول ماله تالي وانا اختك وحياك الله وان طابلك عاود،،،،
صبحج الله بالخير يا ام الحفيز :)
شلونج شخبارج يا الغاليه
اول ما دشيت اسمع صوت طيران ما ادري من وين لاني فاتحه اكثر من مدونه بس سيده عرفت من حفيزج هالصوت هههههه
الله عليج اختيارات عقيبه مو يقولون من فات قديمه تااااه :)
عليج بالعافيه
:**
قلب طفله
حي صباحج بالفرح والصحه والسرور وهذه الساعه المباركة اللي مريتي فيها علي ،،،وانتي صاجه من فات قديمه تاهه،،،،وعتيج الصوف ولا يديد البريسم هذه الفنون ولا بلاااااا....
إرسال تعليق