عطور رمضانية
اليوم دشيت غرفة التبديل وجان اعور فيها عوررره واجابل كبت اللى اخش فيه الطيب و البخور والكلونيات ودش علي ولدي وقال لي : يما شتسوين؟ قلت لة:والله يمه قاعده أزهب الطيب حق اللى راح يزوروننا برمضان جان يقول لي :شلون تحطين هالكلونيات حق الزوار،تراهم داثرين و يمكن أختربوا الحين لأن صار لهم قرن عندج قالت لة: ويييييية انجب جبك الله،أنت شفهمك بالكلونيات السنعه،خلك بشغلك بالله عليكم مو هذه العطور الفنتج والعجيبه اللي ما يحلمون فيها زوار شهر الفضيل ولا انا غلطانه؟
أظن اللى راح يزورني هالسنه بيتعطر بعبق الماضي ،،،،،ويا ريته يرد حتى لو بشمة من رحيقه
ولا اشقولكم ؟
هناك 6 تعليقات:
كنت أقرالج من بعيد لين بعيد
: )
يوم شفت شارلي قلت وي طلعتي من ربعنا
عيل وين الانجيل
و وين اللي بودي شوب بعد كانوا يبيعون في غرش صغيرة؟
ريحة المكان ريحة سوق المباركية
: )
حياج اللله هاااااووووو ليش من بعيد الي بعيد بيتج ومكانج وان ما وسع لج البلوغ العيون لج مكان
يا اختي هذا اللي لقيته في الكبت الانجيل والاربيج والماجيك نوارر وبيكاسو ما يقعدون عندي وكله مقطوعين من السوق ، ومالات بودي شوب اذا خزنتيهم مده يحزرووون تصير ريحتهم غير،،،،و حلاتج تستعملينهم اول باول مو مال تخزين يا اختج ،،،،،وحياج الله باي وقت اعيوني
قوة ام الحفيز
ولكم باك
من زمان عنج
طحت عليج بالفيس بوك عندج صفحة هناك وساكته ولا تقولين
شدعوة ليش ما تقولين حق زوارج انه عندج فيس بوك عشان يصير عندح ربع وايد هناك ونتواصل معاج
وووووي عسى عمرك عمر شعيب النبي ما قصرت ، بس مادري شسوي احط اعلان على الباصات مثلا ولا باذاعة مرينا ....بصرني واللي يعافيك شسوي ؟
وبعدين عددكم اليديد متى بيطلع ....متنا من النطره علقتونا يا اخي مجلتكم تهبل وننطرها مناطر متى عددكم اليديد بيطلع؟
اول عطر عطري بعد الحلاقة لو سمحتي:)
مشاري
اتصدق عاد يا اخي توقعت ذلك .....نعيما
إرسال تعليق