اي ليش .............لأ
اي ليش .............لأ
ادري ان الحب ما لـــه يوم ولا ساعه ولا زمن .....والحب شعور واحساس متواصل في ما بين الاشخاص المتحابين بس يوم 14 فبراير هو يوم للتذكير يعني على قولة هدى سلطان "ان كنت ناسي افكرك يما كان غرامي بي حيرك....." حلو لما الواحده فينا تفاجئ من تحب بمشاعرها..... وشفيها خصوصا اذا كان ريلها ولا امها او ابوها او اخوها ولا عزيزه عليها....مافيها شي والدين الاسلامي دين الحب والتسامح والتوالف واطلاق المشاعر فيما بينا وبين بعض بس ،اذا في شواذ للقاعده مو صحيح ان يتم التعميم على الكل بالفسق والفجور والويل والثبور وعظائم الامور ونمنع الناس من التمتع بهالمناسبه وخصوصا وان من الصعوبه منع الناس فمادري ليش بعض هالنواب يسون من الحبه قبه ...ويحرمون ويحللون في موضوع الفلنتاين على كيفهم ...ولا والتشنج والصراخ واللسان يلوط الاذان ياربي الدين مو بالقوة الدين قناعه وحب
متى استعبدتم الناس وقد ولدتهم أمهاتهم أحرارا؟
كلن بكيفه وكل من عقله براسه يعرف خلاصه ياربي الى متى الوصايــــــــــا على المجتمع قطيعه ماكو شغل؟؟؟
هناك 13 تعليقًا:
صح لسانج يا أم الحفيز
بعدين السؤال
ليش ما نستمتع بالمناسبات السعيدة
حتى لو كان مصدرها خارجي
؟؟
المهم الفكرة مو الشكل
وفكرة عيد الحب
إنسانية جميلة
والله المستعان
ودمتم بخير
قطيعتين بعد مو قطيعة وحدة
انا كل اللي يظايقني ان في ناس تزعل من قلب وتتازم بسبة هاليوم حرام يعني واللي ماعندها حبيب يذكرها لازم تعاني لما تشوف غيرها محصل ورد والا كاكاو
وبعدين مو لازم الحب يصير علني حلاته يكون بين كل حبيبين بروحهم مو لازم احد يعرف ومو شرط هاليوم
والا نسيتي كلام شيرين حبيتو بيني وبين نفسي
هذا يبا من سوالف الاسلام القبلي..هو اللي عافسنا مو على هالمناسبة وبس لا على سوالف وايد صايرة بالديره..الديره انخطفت يا حجية
سلوغا بلوغا
ياختي مو انا قاعده اقول من الصبح ياربي كلن بكيفه والحاكم سبحانه وبعدين ماسوية مظاهره ولا اعتصام بالشوارع اللهم بس طرشة للي احبه واهوى ذكرى عطره جميله ورده او كيكه او بطاقه واقوله احبك اليوم ودوم اشفيها بعد
nachla
مو حبيبتي هذه هي فكرتها ما فيها إلزام بس فيها تقدير واعزاز وتوجيب بالي نحبه حالها حال يوم الام في 21/3وعلى قولتج والي ينشف ريجه من الصراخ ...مو لا قي له احد يقول له هالكلمه ولا معبره من مبطي يا دافع البلا
Krakatoa
لا قبلي ولا شرقي حبيبي هذا يسمونه احموووووووووووووووووووضه اسلاميه على غير معنى والكويت ما رح تنخطف من هالشلاليه اعيوني دام راسنا حنا اهل السنع والمنع يشم الهوى
وهاااااااااااااااابي فلنتاين تووووو يوووو
لوعوا جبودنا ، دخلوا الدين بكل شىء، أول شوفوا عمركم إشلون تتكلمون وتتعاملون مع الناس، كله شماتة وطنازة وعياب وصراخ، علموا أنفسكم الدين قبل ما تعلمونه خلق الله
أحلى شىء إن وزير الصحة في أبو ظبى منع العاملات في المستشفيات والمستوصفات من لبس النقاب، جان زين الشيخ ناصر المحمد يسوى نفس الشىء في الكويت، شنو راح يصير يا ترى؟
العين الساهره
ياختي والله انج صـــــــــــــاجه وهالنماين افقعووووو مرارتناااه
ياختي ابسط شي بالاسلام النظافه وفصاحة اللسان ودماثة الاخلاق حتى الناس تحبك وتحب كلمن يحبك وتحب الورد جوووري الي بلون خدك
قطيعه تقطعهم الف كرهوووا العالم والعيال بالدين خلوووووه تخليهم وتخلي من انتخبهم قطيعه من صراخ الواحد فيهم تشوفين لاهاته من بلعووومه اشدعووواه كل هذا حب بالوطن ولا شكووو حدر الطربيزاااه
عطونياااااه وتطبيق قول يا لساني وانا اقول
ويـــــــــــــــه حسبي الله على ابليسج بروح احتفل بالفلنتاين مع ريلي اسمالله عليه يايبلي ذيج الصوووووغه الي تهبل صج فاجأني والله لا يخليني منه ومن مفاجأته
اهوووووووووووووووو يابنات عطونا سامريه سبب قلبي عيونه هيضني ...وتولع خاطري بالراعبيه
والله انا واحد ما يعجبنى
ولا يعجبنى اللى يحتلفون
فيه
وبيقولون عن رجعى
تقليدى
سلبى خل يقولون
انا مزاجى جذى
وصج نسيت اقولج شى :)
- كاركوتا
والعين الساهرة
يبولى مفتى واحد
يجيز الاحتفال بهاليوم وانا السنية الياية وعد البس شورت احمر ستان
وفنيلة حفر عليها صورة قحطه وقلب الحب
ياعيال الحلال ليش تزايدون على الدين؟
اللى يقول اسلام قبلى
واللى يقول الدين دخلوه بكل شى
اكيد الدين داخل بكل شى
مو منهج حياة شلون ما يدش بكل شى؟
ياناس شوي اصحوا ابو بكر الصديق قال ايام حرب الردة
والله لو منعوني عقال بعير كانوا يؤدونه لرسول الله لقاتلتهم عليه
لقاتلتهم عليه
هذا كان التمسك بالدين مو شنو شسوون غيرنا نروح نقلد بدون ما نفهم الهدف والمعنى
قلدوهم بشى يسوى
وتحملونى شوى
مشاري
يالغالي حنا ما قلنا شي الي نقوله اي نصيحه بينصح فيها البني ادم اخوه ولا اخته لازم يكون عنصر الحجه والاقناع موجودفي الموضوع مو صراخ وتحريم وتكفير بالهووووووووون ابرك ما يهون
الزمن سحب سحبته عليهم وحذفهم ورا
وماعندهم غير لصراخ
عزيزى مشارى
كلامى كان عن المتأسلمين اللى يستغلون الدين ستار لهم لتحقيق طموحاتهم السياسية
ماكو شيخ دين محترم واقف يلطلط على الحفلات والإحتفالات مثل النواب المتأسلمين اللى فاكرين نفسهم يفهمون الدين أحسن منا ويبون يعلمونه إشلون نعبد ربنا
أنا أول وحدة أحب الإلتزام بالدين والإسلام والقرآن هم نور حياتى وطريقة تعاملى مع زوجى وأولادى والناس ، لكن هاللى يلطلطون قاعدين ينفرون الناس من الدين ، وهذا إنت شايف الشباب كل مالهم لى ورا، كل ما نائب لطلط ، عاندوه وإحتفلوا أول وقفوا في المطار يستقبلون أبطال ستار أكاديمى، محجبات، منقبات أمهات وحتى الجدات، صارت السالفة عندهم عناد، يعنى إحنا قاعدين نخسر من هالأشكال ، لكم المشايخ الحقيقيين لهم ندواتهم وكتبهم ومقابلاتهم اللى تشرح الصدر للإسلام
أرجو إن الصورة توضحت لك أخى العزيز، وبخصوص المفتى أقا عليك ، أشوفلك واحد من هالمتأسلمين وأرشيه بعلاج بالخارج أو أوظف له أحد من أهله والفتوى تكون زاهبة عندك قبل فلانتاين 2008
وآسفة أختى أم الحفيز على الإطاله، ودمتم
إرسال تعليق